Saudi Arabian Oil Plant Pahnih Iran Nih Drone 18 le Cruise Missile Pasarih Bak A Thlah I An An Kah

Saudi Arabia defence ministry nih a chim ningah cun Saudi Arabia ta a si mi le kan mah ram chungah a um mi (oil plant) pahnih hna cu a thlithup in Iran nih a hriamnam hmangin a kan rawk piak dih tiah a chim.cun, Iran nih Saudi Arabian Oil Plant pahnih rawh nak ding caah a thli in drone 18 le cruise missile pasarih bak a rak thlah tiah a chim.

Saudi Arabia defence ministry nih cun Iran nih a hriamnam hmangin a thlithup in Saudi Arabia (oil plant) pahnih an rawh mi fianternak caah le tehte caah lakhruak in press meeting ton biaruahnak a kawh hna i,Iran nih Saudi Arabia (oil plant) a kah lio in an thilri an thlawtthlau hna le an kuanfang etc pawl hna cu a hmanthlak bak in mipi hmuh khawh awk in an chiah tik ah Iran ram thiltu mi hrim a si tiah an chim.

 

Iran nih a hriamnam hmangin Saudi Arabia (oil plant) a kah lio ah hin Saudi Arabia ram nichuahlei in Iran nih drone 18 le cruise missile pasarih bak in a kah mi a si tiah Saudi Arabia defence ministry Col.Turki alMalki nih a chim.a mah belte hi kongah an mah Iran minung cu an si lo nain Iran nih a hriamnam cu Houthi tapung pawl a pek hna i Houthi tapung pawl hna nih cun an kah mi a si.a ngaingai tiah cun Houthi hna nak in Iran sual a si deuh tiah a chim.

Hi konghe pehtlai in Saudi Arabia nih thawngthanhnak a tuah hlan ah America nih cun satellite hmangin dothlatnak a tuah cawlh i,Saudi Arabia (oil plant) a kaptu hna hi Iran an si tiah tehte he a rak chim.cu hnu ah Saudi Arabia nih dothlatnak a tuah tik ah Iran thil tuahmi a si ko tiah a chim t’han mi hi a si.a mah belte hi kongah Iran nih zei bia hmanh leh nak a tuah rihlo.

Source: BBC

Author: Salai Ephraim