Scott Morrison Nih Biakamnak He Australia Prime Minister Rian Cu Ropui Taktak Cohlan Nak A Tuah Cang

Australia Prime Minister rian cu Pathian le mipi hna hmaika ah biakamnak he Scott Morrison nih cohlan nak a tuah cang.cun Scott Morrison nih a rian cohlan nak a tuah lio ah hin cabinet member chungtel zei maw zat hna zong lak chih cawlh an si hna tiah an chim.Australia Prime Minister le cabinet member thar pawl hna hi Queen Elizabeth official palai a si mi Governor Peter Cosgrove nih biakamnak a tuah ter hna.

 

Mah bantuk in Australia Prime Minister le cabinet member thar pawl hna riankhinh nak ah tuah nak hmun hi Goverment House inn pi chungah an tuah.cun Australia Prime Minister Scott Morrison thar he rian a t’uanti dingah cabinet member chungtel an lakthar mi hna ah hin Nu minung 7 an itel.Foreign Minister rian cu Marise Payne pek a si.

 

Cun National deputy leader caah rian an khinh mi hi Bridget McKenzie a si i Nu a si ve fawn. National deputy leader Bridget McKenzie hi Australia ram Nu vialte hna lak ah Australia agriculture minister hmu hmasa cem mi a si tiah an chim.cun Scott Morrison hi Australia Prime Minister rian khinhmi lak ah a voi 30nak pa a si tiah an chim.

 

Biachap: Australia Prime Minister Scott Morrison nih teinak a hmuh cu Chin ralzam mi ca ko ah ruahchan nak tampi a um tiah chim phuan cio a si tik ah zei dah a lawh te hnga.Chin ralzam nih kan cuanh cio ko i,Chin ralzam caah thil t’ha tampi a kan tuah piak khawh nak hnga thlacam in bawm cio hna usih?

Source: BBC