American Secretary of State Mike Pompeo nih cun IS ralhrang pawl hna cu a thar bak in an puang t’han i,cu hlan nak hmanh in an t’hawngt’ha deuh cang tiah a chim.cun, ISIS ralhrang pawl hna hi a luancia kum 3 lio ah khan cun hriam nam lei in siseh an minung tiangin an rak t’hawngt’ha ngai na in hmunkip ah an i t’hek/darh caah a t’hawngmi an rak lo lem lo.asinain a tu an dir hmun zoh ah cun cu hlan nak hmanh in an cak deuh lai tiah ruah an si cang tiah a chim.
Amah belte cu ISIS ralhrang pawl hna hi a tu ah cun an hruaitu hna thihlo nak ruangah a phu/bu in ral a do dingah cun a ngamhti lo mi khi an lo cang tiah a chim fawn.nikum December thla lio ah khan American president Trump nih Syria ram chungah hmun a khuartu hna ISIS ralhrang pawl hna cu an vun doh/kah hna i,cu tlawmpal ah ISIS an sung cang tiah thawngzamhnak a rak tuah cang.
Cun, Syria ram ah ISIS ralhrang hna doh dingah US ralkap hna rak chiah a si tawnmi zong chiah t’han an hau ti lai lo tiah Trump nih a rak chim.asinain Secretary of State Mike Pompeo nih a chim ningah cun vawlei cung ram 80 renglo ah ISIS ralhrang pawl hna cu kah le doh an si. America nih biatak tein a kah hna lio ah cun an hlawh a tling ngaite ko.asinain a tu ah cun an karh chin cang tiah a chim.
Hi lio ah hin China Tuluk ram nih cun Syria ram sin ah nawlpatnak a tuah i, Syria ram i chirhchan in ISIS ralhrang pawl hna nih t’an t’hat an lak t’han caah Syria cozah nih na doh t’han hna awk a si lai.cun, Syria ram chungah nang mah le nang,a cozah karlak ah CIVIL ral na thawh tawnmi zong hi na mak i,ISIS ralhrang biatak tein na doh kham awk a si cang lai tiah a chim. asinain Syria nih China sin ah lehnak a tuah rihlo.
Source: AF