Shan Khuapi Chung Inn Pakhat Ah Vancung In Tihnung Bomb Thlak Hnawh An Si

October 9.2019 chun ah Shanram chung khuapi a si mi Tirih khuapi chungah bomb cu vancung in an rak thlak i inn zei maw zat cu a t’hekdarh dih tiah theih a si.cun,bomb nih nu pakhat cu faklak in a rawh a si nain a thih belte cu a thih hraw rihlo,a nun nak caah ruahchan nak a tlawm te tiah khuami hna nih an chim.

Hi konghe pehtlai in Tirih khuapi chung t’uanvo ngeitu U Shwe Hlaing nih cun hi tibantuk in thil a tuahtu hna hi mi zei dah an si tiah theih khawh a si lo.cun,hi bomb hi vancung in a rak tla mi a si tik ah khua zei lei in dah an rak kah mi a si ti kha theih khawh a si fawn lo.hi tibantuk in bomb a rak tlak lio ah hin zinglei suimilam 6 hrawng a si i minung pakhat lawng nih hliamhma a tuar tiah a chim.

Cun,bomb nih a tlak nak inn belte hna cu a t’hek darh dih hna tiah a chim.Shanram media pawl hna nih an chim ningah cun hi tibantuk in Tirih khuapi chungah vancung in bomb thlak a si lio ah hin hmundang zongah bomb thlak chih a si.Tirih khuapi nih an duh herh an zalhnak le meh hang an cawk nak Bazar pawng te zongah inn pakhat cu bomb nih a tlak i inn zong zei maw zat a rawk tiah an chim.

Asinain a tutan hi thila tuahtu bomb a thlatu hna hi mi zei dah an si ti cu mi zei hmanh nih theih a si rihlo.cucaah mipi zong nih i ralrin ngaingai a herh tiah an chim.Credit:The Ladies News

Author: Salai Ephraim