Shan ramkulh chung chaklei Lashio pengtlang a si mi uksuh Namphadaing khua Sianginn ah an Sayamahcyi pasal U Aung Myo Thet nih cun an Nu um lo karlak ah an siahngakchia lak ah duh a nung bik le an taksa zohco cem ti mi hna Nu pahnih hna cu ritnaksii (sepia) hmangin a rak tleihhrem hna tiah theih a si.Hi konghe pehtlai in an chim nak ah cun Sayamahci a pasal nih hin an Nu um lo karlak ah lakphat tidor ah Coffee kan dangh hna lai tiah a kalpi hna i anlakphak Coffee ah cun hursi a rak peih piak hna tiah an chim.
Naphian khuabawi U Sai Han nih a chim nak ah cun Sayamahci a pasal nih hin Nu pahnih lawng hi si lo in Cacawng lio Ngaknu tete hna cu an run in Coffee a dangh hna na in cu a dangh mi hna lak ah cun a mah nih a duh mi a rak ithim caah midang cu an luat i Nu pahnih hna lawng ningcang lo in a tleihhrem hna hi a si tiah fianternak a tuah.cu pin ah an tleihhrem mi hna Nu pahnih zong nih cu tibantuk te cun an chim.
Naphian khuabawi U Sai Han nih cun chaklei Lashio pengtlang uksuh ah hin khua 10 kan um i,hi thil a can nak hi kan uksuh khua lak ah tlangcung deuh cem ah a um mi Naphadaing khua ah a si.cun,hi Sianginn hi (primary school) a si.kan Sayamahci zong hi mit’ha taktak a si i khuami hna zong nih kan i duh taktak mi a si caah tukum hin kum 8 a um nak a si cang.an mah inn ah dawr zong an tuah pah i,cun,hi thil a can nak a ruang hi kan hnu lei ah Sayamahci cu ruahlo in a nau pawi mi a rawk caah Maingze khuapi sizung ah i thlawpbul dingin khua a tlawn kar a si tiah a chim.
An Nu um lo kar ah an pa nih cun Siahngakchia Nu pawl hna cu zaan ah leiba an nei an thei maw tiah hngakchia dang a kawh ter hna i,an rak rat tik ah Coffee cu a rak dangh hna i an mah inn bak ah voi hnih khengte bak a tleihrem hna hi a si.a tleihhrem mi hna hi kum 14 le 13 lawng an si rih tiah a chim.cu hlan zongah Sayamahci pasal nih hin an Nu khual tlawn lio ah voi khat cu mi pakhat zong ningcang lo in a rak i um pi i hmun khat ah Nuva sual nak an tuah cuahmah lio cu khuami hna nih an hmuh ko na in zei hmanh an rak chim ngamlo tiah a chim chap.palik kut ah pek a si na in zei tin
dah biachahnak an tuah piak lai ti cu theih khawh a si rih lo tiah a chim.
Source: chindwinpost