Shan Ramkulh Ah PDF Zuamcawhtu Pyusawhṭi Cu PDF Nih An Thah

Shan ramkulh thlanglei Pintayiah(ပင်းတယ) peng Maiinn(မိုင်းအင်) khua ummi pyusawhṭi phu chungtel pakhat U Soe Hlah cu Cho Phyo(ချိုးဖြူ) pah-kah-phah phu JPGF nih July 26, zinglei suimlam 6:30 hrawng ah lakphakti dawr ah kan fimhlawm, tiah an thanh.

SAC ralkap lei ṭang in PDF zuamcawhnak a tuah lengah, khuami hna cu phung ning lo in a tlaihter hna i, a dik lomi thawng a thanh tawn caah kan fimhlawm. Meithal in voi 8 hrawng kan kah i kan kahnak hmun ah a thi colh, tiah JPGF chungtel nih an chim.

U Soe Hlah cu amah pumpak in pistol pakhat thlaihnak nawl a ngeimi pyusawhṭi chungtel pakhat a si i, SAC ralkap sin thawngpetu a si, tiah khuami nih an chim.

Credit: The Chin Post

Author: Salai Ephraim