Shan Ramkulh I Amyotha Hluttaw A Tlingmi Pa Cu A Mah In Bak Ah Rilbak In Kah

Tutan rampi ithimnak ah NLD party in Amyotha Hluttaw Shan ramkulh chungah a zuam i vote tambik a hmutu U Hteik Zaw cu tuzan lei November 21 suimilam 6:00 hrawngah a mah inn lo cia bak ah meithal in an kah tiah a thaizung nu or a Nupi nih a chim.Amyotha Hluttaw U Hteik Zaw hi Nawngping pengtlang a si mi pințin khua ah a um mi an si.

 

 

A nupi nih a chim nak ah cun tuzan lei zanriah kan ei i,zariah kan ei dih in kamphal ah “Kuva”ei ding aa tuah lio ah a tu bantuk in meithal in an kah hi a si.a kuva ei ding aa tuah mi hmanh a ei manh lo tiah a chim.U Hteik Zaw cu Kyautme khawpi siizung ah a ran nak in tehpi a si na in an kah ning a fah caah a thi tiah Kyautme peng NLD zung nih a chim.U Hteik Zaw cu 2020 rampi ithim nak ah Shan ramkulh vote hmu tam cem mi a si.nai teah khan khalah Kyautme peng EC chairman inn ah a um lio ah meithal an rak kah cang na in an kheng lo tiah theih a si.

 

 

Relchap: Tuzan cu motor thar cawk a duhmi caah santlai a si hnga maw tiah News pakhat ka von ttial:US le Canada ah a ummi hna nih Motors thar cawk a duhmi nan um ahcun atu lio te hi a “season” a si.Covid 19- pandemic ruang ah Motor Model thar tampi hna cu an zuar kho lo. Cucaah, Ford Company nih 2020 models pawl a man an thumh/promotions an chiah liote a si i, November 30 hi deadline a si. Company dang cu Ka thei lo.

 

 

2020 Model thar na cawk ahcun 72 months hi “Zero Interest” a miak loin” in na lak khawh lai.2020 Model paoh a man an thumh dih i, a cheu cu $ 5000 tiang an thumh.Mawtawka chia te, trade ding Na ngei ahcun, zeibantuk mawtawka Na Trade paoh ah $ 2500 credit an in pek lai i, Cun, Na mawtawka man /value kha an in chap piak lai.

 

 

Example ah keimah ka mawtaw a chia takmi, zuar khawh tilomi, hlawnh hmanh ah hlawnh man liam a haumi hi trade ning law, mawtaw man ah $ 200 or 500 in an ka lak piak lai i, credit hi $ 2500 an ka pek chap lai. Cu tikah, ka mawtaw cu $ 3000 in an ka cawk bantuk ah a cang hnga:) Cucaah, mawtawka chia a ngeimi hna caah a hlawk ngai fawn.Mawtawka a man an tthumh, na theih ahcun kan thanh ve te law tiah a ka timi an um caah, siaherh in zapi caah kan von ttial.Credit: Zasang Cinzah

 

Relchap: Chinram Kulh CM Tuan Dingah Cun Sonny Thang Cung Nih A Tlinh Bik.A tu term cu Halkha nih CM ttuan caan a si ko cang ka ti dawh dawh in Pyine hluatdaw pawl an thimmi hna an konglam ka theih tawk ka hlathlai hnu ah Halkha in NLD in thimmi Sonny Thang Cung nih hin CM ca ding a tlinh cem ti in ka hmuh. A tanglei hi rel ve hmanh

 

 


1. Sonny Thang Cung hi thlanglei Laitlang a ceu tertu hmasa bik mithi zipeng bawipa F. Za Hoe fa pa a si. 2. A mah hi upadi lei LL.B aawng i Chin ramkulh upadi zung bak ah lutlai director can saupi a ttuanmi a si. 3. NLD cozah nih an zumh i Pension a laak hnu ah a tu Atony General of Chin State ah ttuanvo an peek i a tu a ttuan liomi a si.4. A mah hi miding, mifel a si i Acozah rian a ttuannaak zong ah min tthatnaak a tu le a tu a hmumi a si.

 

 

5. Chin miphun hunchonaak caah fim cawnnaak, pehtlaihnaak lam le sul sersiam lawng hi si lo in zuu le sa nih a hrawhmimino hna kilven le hun cho ter hi ka duh ngaingai a timi a si zungzal. 6. Kan Chin ram huncho khawhnaak caah dawn tu pakhat cu ei hmuarnaak hi a si ve hrimhrim a ti tawnmi a si ca ah ei hmuarnaak hi a doh hrimhrim lai tiah ka zumh.7. A mah hi Khrihfa ttha PATHIAN aa bochanmi pakhat a si. Cu ca ah Sonny Thang Cung nih hin Chin State C M ttuan ding ah a tlinh bik i aa tlaak bik bak a si tiah ka zumh.

Credit: J. P. Biak Tin Sang