South Asian Ralhrang Hruaitu Asim Omar Cu Thal Buk In An Kah Ko Cang Hih

Vawlei cung ralhrang hna lak ah a min a thang taktak mi Afghanistan ram chung Musa Qala district chungah hmun a khuar i zei sualnak ngeilo minung tamtuk an nun nak a la cangtu South Asian ralhrang hna an hruaitu Asim Omar cu America ralkap le Afghan ralkap pawl hna nih AlQaeda ralhrang pawl hna an kah hna nak ah an thah chih tiah Afghanistan National Directorate of Security nih thahnak a tuah.

Afghanistan National Directorate of Security nih cun South Asian ralhrang hna an hruaitu Asim Omar hi Pakistan ram mi bak a si na in Musa Qala district chung hmun dangdang ah ralhrang dangdang hna he ipehtleihnak a tuah Afghanistan ramchung t’ih a nun nak hmun Helmand province chung an um lio ah September 23 ah khan America ralkap le Afghan ralkap pawl hna nih an rak kah hna,cu lio ah cun Asim Omar hi rak kah a si cang na in biafiang theih khawh a si lo caah dothlatnak tuah a si.a tu cu thah a si cang ti ah Afghan official nih a chim.

Hi konghe pehtlai in TOLO telvision channel nih cun South Asian ralhrang hna an hruaitu Asim Omar pin ah AlQaeda ralhrang minung pa ruk hna zong Musa Qala hmun ah Taliban ralhrang pawl hna um nak an compound ah thah chih an si tiah a chim.cun,South Asian ralhrang hna an hruaitu Asim Omar kuttang um mi ralhrang minung 14 hna zong tleih an si.

America ralkap le Afghan ralkap pawl hna nih AlQaeda ralhrang pawl hna an kah hna lio ah hin ralhrang um nak hmun ah Nupi t’hit puai a um i,an kah chih hna ruangah Civil minung 40 renglo nih kuanfang in hliamhma an tuar chih fawn tiah an chim.hi ruangah Afghanistan cozah biachimtu Ashraf Ghani nih cun mipi sin ah ngeihthiam halnak le nawlpat nak bia zong a chim.

Source:BBC

Author: Salai Ephraim