South Korea Nih Japan Cu A Zum Kho Bak Ti Lo Rian An Tuanti Nak In A Chuak Diam Ko

South Korea le Japan ram hi ram inn pa an si bantuk in ram chung ramleng ah chaw an leh nak ah i bawm in rian an t’uanti nak tampi a um.hi tibantuk in rian an t’uanti nak chung hi a caan a sau ngai cang.asinain zahan ah South Korea nih a chim ningah cun Japan cu South Korea ram chung thil kongah zumh awk tlak an si lo caah South Korea nih rian kan t’uanti nak min ca zin chungin hnawh”hlonh” an si cang tiah an chim.

 

South Korea nih a rian t’uanti hawi hna chin chiahnak ah a hman mi an Ca zin chungin Japan a hlonh hna hlan ah hin Japan nih July thla dih lai hrawngah khan an Ca zin chungin South Korea cu an rak hnawh”hlonh” hmasa cang hna tiah a chim mi zong an um.cu thil cu South Korea nih thlakhat renglo ti awk rian a t’uanpi peng chih hna i,a thei lo um bak in a umter.cu hnu ah a tu hi South Korea nih vawlei cung pumpi theih in Japan cu a rian t’uanti nak Ca zin chungin ka hlonh hna tiah a chim hi a si.

 

South Korea Trade Industry and Energy minister Sung Yunmo nih cun Japan ram he caan saupi rian kan rak t’uan cang mi ruahlo pi in hi tibantuk in thil a cangmi kongah South Korea, Seoul cozah hruaitu upa tam deuh hna nih cun it’hen lo in hmun khat rian t’uan t’han khawh nak dingin an duh.Japan le South Korea cu a t’hen kho kan si lo caah a ran nak in Japan le South Korea cu international export basic principle ah remdaihnak kan tuah awk a si tiah an chim a ti.

 

Asinain South Korea cozah nih cun Japan nih he caan saupi rian kan rak t’uan mi chungah Japan nih kan phunghram an buar mi tampi chungah international export basic principle zulhphung zong zei ah an rel lo i an mah duh ning in ramleng ah thil an kuat caah rian t’uanpi kan duh ti hna lo tiah an chim an ti.cun Japan nih South Korea ram he rian an t’uanti nak an Ca zin in South Korea an rak chuah hna hi theihternak zei hmanh a tuah hna lo tiah an chim.

Source: BBC