South Korea Nih Russia Ram Cungah Daite In Um A Tim Ti Lo Rassia Nih Phung A Buar A Ti

July 23.2019 ah khan Russia nih cun ramngiatnak caah a hman mi vanzuanglawng jet hna cu South Korea ram chung ah phungning lo in voi 2 khelte a luhter caah South Korea nih a raltuknak vanzuanglawng jet 3 bak in an dawi i, Machine gun meithal zun zei maw zat zong an puah.Russia nih hi tibantuk in South Korea ram chungah a luh nak hmun hi South Korea le Japan nih hmun an i cuh mi a si.

South Korea Joint Chiefs of Staff official pawl hna nih cun Russia ralrin nak pek nak caah raltuknak vanzuanglawng jet 3 in Machine gun meithal zong puah a si.cun, Russia ram ta bak a si mi raltuknak vanzuanglawng pahnih le China ramta hna cu phungning lo bak in North Korea ram air defence identification zone chungah a luh lio ngei kan hmuh hna tiah an chim fawn.asinain Russia nih cun South Korea ram chungah kan lut lo i an Machine gun meithal puah thawng zong kan thei lo tiah an chim.

 

Cu hnu ah South Korea nih a ran nak in Russia leh China embassy official pawl hna a kawh hna i South Korea ram chungah Russia nih hi tibantuk thil a tuah mi cu an ram hnih ningin kan zulhphung zei ah an kan rel piak lo bia le South Korea zei ah an kan rel lo bia a si caah international law phunghram buartu ah ka cohlan hna lai tiah a chim. asinain hi kongah China le Russia nih zei bia hmanh an chim ngam rih lo tiah an chim.

 

Atang Ah Kan Vun Thil Chih Mi Hi Russia Nih South Korea Ram Chungah A Luh Ning Le A Biachim Mi Le Japan Nih A Chim Mi Bia An Si

Russia president Putin cozah le North Korea Kim Jong Un hna an i pehtleih ning cu kan chim cang caah kan nawlh t’han ti lai lo.North Korea ram le Russia ram cu an i pehtleih ning a fek ngai na in South Korea le Russia cu an i pehtlai tuk lem lo,rian t’uanti nak cu a ngei ve t’hiamthiam ko.july 23.2019 ni ah Russia cozah nih ramdang mi ngiatnak caah a hman mi vanzuanglawng cu South Korea ram cungah a zuarter caah South Korea nih cun a hriamnam hmang in an rak hrocer.

South Korea’s Ministry of Defence nih a chim ningah cun Russia cozah nih ramngiat nak caah a hman mi vanzuang lawng hi South Korea le Japan nih ram kan i cuhmi (dokdo island )tikulh ram cungah voi 2 khelte bak a rak lut tiah a chim.dokdo island hi South Korea nih a pen cuahmah mi ram a si na in Japan nih kan mah ram a si tiah an cuh pengmi hna an si.cun, Russia nih ningcanglo in dokdo island chungah voi 2 khelte a luh ruangah South Korea nih cun an raltuknak vanzuanglawng jets in an dawi cawlh ve i 360 machine gun in a Russia vanzuanglawng si lo in hmun dangtu an i khahter tiah an chim.

RussiaN fighter jet photo.

South Korea nih Russia nih a thil tuahmi kong a chim tik ah Russia cozah nih cun zei kong hmanh theih mi kan nei loh pin ah South Korea ram chungah kan lut lo tiah an i pheh ve fawn.cu pin ah South Korea ram nih a hman mi meithal puah t’hawng le an raltuknak vanzuanglawng jet pawl hna zong zei hmanh kan hmu lo tiah an chim.hi thil hi Russia nih South Korea ram cungah a voi khat thil tuah nak lawng a si rih tiah an chim.cun, South Korea cozah ralkap hna nih an chim ningah cun Russia cozah ta vanzuanglawng pathum le China ram ta vanzuanglawng pahnih hna cu North Korea cozah ralkap hna um nak ah an lut tiah an chim.

Hi thil konghe pehtlai in Japan cozah nih cun Russia le South Korea buabainak hi zei hmanh theih mi ka nei lo,asinain Russia nih South Korea ram chungah hi tibantuk in thil a tuah taktak a si ah cun Russia nih South Korea ram cu zei ah ka rel hna lo a ti bia a si lai tiah Japan nih a chim.cun, South Korea le Russia ram kongah North Korea nih ka khat hmanh a kaa a aang duh rih lo i, ka theih,theihlo ti zong zei hmanh a chim duh lo tiah an chim.

Source: BBC