South Korea president Moon Jae Nih Asia Ram Khuapi Pathum He Biachahnak A Tuahpi Cuahmah Hna

South Korea president Moon Jae nih cun Asia ram khuapi a si mi hna Myanmar, Thailand, Laos ram hna cu va tlawngin an mah ramthum hna he hmun khat ah rian t’uanti khawh nak ding le i pehtleihnak hnethnai ngeihpi dingin timhlamhnak a ngei tiah an chim.cun, South Korea president Moon Jae nih a voi khat nak ah a timh ning bantuk tein Thailand prime minister Prayut Chaocha he Memorandum of Understanding ti mi ah biachahnak le i pehtleihnak an tuah khawh cang.

Thailand prime minister Prayut Chaocha he ton biaruahnak le hmunkhat ah lungduh biaruahnak an tuah lio ah hin Thailand Government House inn chungah a si.cu hnu ah Myanmar ram le Laos ram hna zong hmun khat ah rian t’uanti dingin kal a tim.South Korea president Moon Jae nih a timh ningah cun Asia ram khuai Pathum hna le South Korea ram hna nih hmunkhat ah rian an t’uanti khawh nak ding caah a si tiah an chim.

 

Cun,Thailand ram le South Korea ram hna nih ipehtleihnak an tuah mi cu phun ruk in a si.cu chungah a tel chih mi hna cu Thailand ram mi hna nih zalong tein Korea ram ah an holh le an ca an cawn khawh nak hnga ding.ram pahnih lungtlin nak tein chawleh t’i khawh nak ding, kaphnih ram nih kaudeuh in rian t’uanti khawh nak ding caah a lamkip in i bawmhchanh ding.

 

Cun,kaphnih cozah ralkap hmun khat ah rian t’uanti nak ngeih ding,kaphnih ram i neih niamte in um kal khawh nak dingin rian t’uan ding.Tlanglawng in kaphnih ram i palkai khawh nak ding caah lam ser ding.kaphnih ram nih chungkhar khat bantuk in i palkai khawh nak ding caah rian t’uan ding tibantuk etc..phung ruk in biachahnak an tuah tiah theih a si.hi tibantuk in South Korea nih Myanmar, Thailand, Loas ram hna he rian t’uanti khawh nak ding caah hma lak cuahmah a tim tiah theih a si.

Source: mizzima

Author: Salai Ephraim