South Korea ram chungah the Grace Road Church Biakinn a dirhtu Pastor kum 6 chung bak a t’uan cangmi Nu Shin Ok-ju nih cun South Korea ram chungah t’ah-ai hram nak le chiatnak t’ihnun taktak mi a rauh hlan ah a phan lai tiah a larnak kong cu mipi hna sin ah a chim.hi ruangah hin South Korea ram chungmi minung 400 renglo hna cu South Pacific Ocean khuapi Fiji tikulh kha ah an pem/zam.cun,Fiji khua ah a pem mi vialte hna hi an um kal nak ding caah a herh mi passport le thil dangdang hna cu a mah Pastor Shin Ok-ju nih a tuaktan piak dih hna tiah an chim.
Cun,Pastor Nu Shin Ok-ju nih hi tibantuk in a larnak bia a chim mi ruangah hin South Korea ram mi hna nih khualak ah ceilak tein an rak tuk velh bal cang.Pastor Nu Shin Ok-ju Church member chungtel pakhat nih cun kan Pastor Nu nih hi tibantuk bia a chim ruangah kan chungkhar a daw tuk mi cu a kan t’hek darh piak dih tiah BBC ah a chim.July 30.2019 ah khan South Korean Court nih Pastor Nu Shin Ok-ju cu biachahnak a tuah piak i kum 7 chung thong tla dingin biachahnak a tuah piak.
Suwon District Court nih cun Pastor Nu Shin Ok-ju nih ningcang lo in a larnak bia a chim phuanmi ruangah mipi hna le hngakchia zei maw zat hna cu thinphang le lungrethei in a chiah hna pin ah hi thil a tuah mi cu Biaknak a leirawitu a si caah fak taktak in hremnak pek chap awk a si lai tiah an chim.South Korean Christian (mainstream groups) pawl hna nih cun the Grace Road Church cu kal sual/a diklo mi Biaknak a t’anhtu an si tiah a chim.
Pastor Nu Shin Ok-ju nih hi tibantuk bia a rak phuan hi kum 2014 lio khan a si.hi bia a rak chim ka teah South Korea ram a chuah nak tu Seoyeon Lee ti mi nih cun Pastor Nu Shin Ok-ju kongah South Korean Court nih biachahnak a tuah piak mi cu a tuah sernak he vun tahchunah cun zei hmanh a si lo.mah nak fak in biachahnak an tuah piak awk a si.zeicahtiah Fijian cozah he i pehtleihnak an nei i,cu an i pehtleihnak ruangah hi lih bia hi a chim mi a si tiah a chim.
Source: South China Morning post