Spain Cozah Nih A Raltuknak Tilawng Persian Gulf Ah A Chiah Mi Hna Cu A Ran Nak In A Lak Than Dih

Sapain cozah nih hin Persian Gulf pawng te ah a raltuk nak tilawng le a raltuk nak tilawng rian t’uantu minung 245 renglo bak a chiah mi hna cu US cozah ralkap le tilawng a hmuh bak in a thin a phang i Iran le US cozah karlak ah kut i t’awl dingin a cozah nih a lak t’han dih hna tiah an chim.US le Iran cozah karlak ruangah US nih a rian t’uanti hawi NATO Europe member ram hna nih cun US nih Iran cu rawk-kap duh hlah tiah US an nawl.

 

NATO Europe member chungtel pawl hna nih hin US cozah cu hriamnam hmang lo in Iran cu Ca buaicung ton biaruahnak na neihpi awk deuh a si.US le Iran cozah karlak ah i theihthiam lo nak nan neih mi hi hriamnam hmang lo in na daihter awk a si ko tiah US cozah sin ah nawlpatnak an tuah cuahmah.

 

US nih cun Iran hi kah ka tim lo i a mah belte Iran nih a hriamnam hmang in a cawl a si ah cun duhthimnak kan nei lo kan kah a hau ko tiah a chim peng.

 

Cun Iran Supreme spiritual hruaitu Ayatollah Khameini zong nih US he i doh/kah hi kan duh mi a si hrim lo,a mah belte US he kan i doh taktak a si ah cun Iran cozah zong nih US cu tei kan i suam awk a si i,cu teitu kan si khawh nak ding caah cun a lamkip in kan cawl i hriamnam kan hman a hau ve ko lai tiah a chim.

 

Cun Iranian Foreign Minister Mohammed Javer nih Indian External Affairs Minister Sushma a rak ton cuahmah ve,asinain Indian he an i chawnh biaknak kong zei hmanh an langhter rih lo.

Source: BBC

Author: Salai Ephraim