Spanish thawnglatu minung pakhat nih cun Jerusalem hmun thiang chungah thla a cam cuahmah lio mi pakhat cu lung in thihlak in a va cheh caah kum 7 chung thonginn chungah khua caan rel dingin biachahpiak a huah.cu pin ah a cit nak motor a mawngtu Mr Julio de la Guardia zong tleih chih a si i, phaisa NIS 150,000 cawi ding le kum 15 chung motor mawngti lo dingin biachah piak a si tiah an chim.
Spanish thawnglatu pa nih a cit mi motor a mawngtu nih motor license deu hmangin kum zei maw zat chung a rak mawngh caah hi tibantuk in biachahnak an tuah piak hi a si tiah an chim.cun, Spanish thawnglatu pa nih lung in a thah mi pa hi Jerusalem hmun thiang chungah Pathian rian t’uan in Pathian hla tampi a phuahtu le ultra Orthodox pianist rian a t’uan cuahmah mi a si tiah an chim.
Cun, ultra Orthodox conductor rian zong a t’uan cuahmah mi a si fawn.hi tibantuk in thah a ton hi a sullam mi zei hmanh nih theih khawh a si rihlo na in ultra Orthodox conductor pawl hna nih an sunhsak ngaimi Sukkot holiday ti mi an hmang dingin Jerusalem,Western Wall ah thla an cam bak ah a thlacam dih in a vun i her bak ah khin a cheh hi a si tiah an chim.
Mithi hi a min ah Mr Tukachinsky ti a si i kum 31 minung a si.a tu bantuk in a luan cia kum 2011 lio zongah khan Spanish thawnglatu pa nih hin Israel ram chungah thil t’halo a rak tuah bal cang.kum 2011 lio a case hi a thian le thian lo theih a si lo i Israel cozah cungah a thin hun nak a langhter duh nak zong a si kho.zeicatiah a mah hi Israel ram chungah kum saupi a rak um bal cangmi a si tiah an chim.
Source: AFP
