Special Counel Robert Mueller le a team pawl hna nih cun Trump le Russia cozah karlak ah caan zei maw zat chung bak Trump nih thil sual a tuah ko tiah dothlatnak an tuah,asinain Trump nih Russia cozah he an i pehtleihnak ah zei thil sual hmanh a tuah mi an hmu kho lo.cu konghe pehtlai in tuzing ah Special Counel Robert Mueller nih cun Trump nih zei thil sual hmanh a tuah mi a um lo tiah Dept of Justice Office in mipi theih ah fianternak le Trump cu mithing a si tiah thawngzamhnak a tuah t’han.
Cun Trump konghe pehtlai in Special Counel Robert Mueller nih mah bantuk bia a chim lio ah hin Trump zong nih White House Inn rangpi chung in a rak zoh peng ve.cun Special Counel Robert Mueller nih cu Trump nih American ram micawi in thil sual a tuah tiah caan saupi hlathlainak kan rak tuah mi hna cu Trump sual nak zei hmanh kan hmu lo.hi kongah Trump cungah zei bantuk dantat nak hman a um awk le lunghrinh awk zei hmanh a um lo tiah a chim.
Cun Trump pumpak sining hi kei mah tluk in a thei mi le dothlatnak a tuah mi hi mi zei hmanh an um lo,a tu tan ah Trump konghe pehtlai in ka chim mi pim ah zei hmanh a sual nak a um lo i Trump nih zei thil hmanh tuah sualmi a neilo ti pin cun chim awk dang a um ti lo tiah statement achuah fawn. asinain Bret Baier of Fox News nih Trump le Russia kongah cun Trump hi dothlatnak tuah peng a si tiah a chim.
Amah belte Special Counel Robert Mueller nih cu Trump nih thil sual a tuah bak ko tiah tehte zei hmanh kan hmuh khawh lo mi cu Trump nih thil sual a tuahlo ti nak kha a si caah Trump kongah hlathlainak le dothlatnak kan tuah mi cu khar a si cang(the case is closed) ka lawm tiah a chim.hi lio ah Democrat hruaitu hna nih cun Donald Trump cu Congress nih biachahnak a tuah piak awk a si,zeicatiah Special Counel Robert Mueller nih a chim mi hi ningcang thil a si lo tiah an chim ve.
Source: CNN