Ngaihchia ngaingai a si ko. Sri Lanka ah a ummi khrihfa a simi chungkhar pakhat hna cu an chungkhar ning in an thi dih, tiah thawng theih a si. Hi chungkhar a thimi hna an thihnak a ruang hi zeidang ruang ah silo in khrihfa an si ruang ah a si.
Kan hnu Easter Sunday i Sri Lakan St Sebastin’s Church, Negombo ah khan hi chungkhar hna an dihlak in an thih hi a si. Hibantuk in thawng van theih a sining cu, kan hnu Easter Sunday i Sri Lanka ah muslim ralhraang pawl nih thihcilh bomb in minung 359 an thah hna nak ah khan ai tel mi an si. Kha minung 359 a thimi hna lak ah khan chungkhar pakhat cu an chungkhar ning in an thih dih hi a si.
Kha thilcang kong dothlatnak ah thilthar hmuhchuahmi a um lengmang rih. St Sebastin’s Church, Negombo bomb puak ah khan Rangana Fernando le a nupi Danadiri Kuruppuachchi le an fa le hna cu Easter Sunday hmang ding in an i khawm. Lunglawmte in chungkhar tling in Pathian an thangtthat lio ah hibantuk in an thih dih hi a si. An fa le hna cu nu pahnih, Biola le Leona, kum 6 le kum 4 minung, an fapa thla 11 lawng a si rihmi Seth hna an si.
St Sebastin’s Church, Negombo tthiamtthiam ah hin Anusha Kumari kum 43 le a pasal Dulip Appuhami te chungkhar zong an thi ve fawn rih. Anmah nupa lawng silo in an fale pahnih Dulakghi le Vimukthi hna zong an liam fawn. Ngaichia a si hringhren ko. Chungkhar tlingte in nuam thlaimai i Pathian thangtthat lio ah muslim ralhraang pawl kut in khrihfa pawl kan thih lengmang ko mi hi cu mu!