Sri Lanka Cozah Le Muslim Pawl Hna Karlak Buainak Nih Vawlei Pi A Buaiter Khawh

Kan hnu lei i Sri Lanka ram chungah a cangmi Easter Sunday ni i thah nawnnak konghe pehtlai in Sri Lanka cozah nih cun a ram chung um Muslim hruaitu minung 200 hna le ramleng mi minung 500 bak an ram in a chuah (dawi) hna pin ah an ram chungmi a lung hrint mi hna cu zei maw zat a thah cang fawn hna tik ah a cozah le Muslim pawl hna karlak ah buaibainak a chuak cuahmah.

Police Chief Chandana Wickramaratne nih a chim ningah cun Muslim pawl hna nih an cozah sin ah an duhlonak langhter nak caah hmun kip ka kip in sandah an piah i palik pawl hna nih tear gas lawng hmang ti lo in meithal zong an hman cang.cun polik pawl hna nih hin an ram chung Muslim pawl hna dawr zei maw zat hna cu an t’heh piak hna i um nak hmunhma nei lo in a um mi Muslim tampi an um cang.

 

 

Muslim pawl hna nih cun Khrihfa le Muslim karlak ah a cozah nih duhdanh na nei awk a si lo,Sri Lanka ram chungah Muslim hi 22 million tluk kan um caah Sri Lanka ram chungah duhdim tein kan cawlcangh khawh nak hnga kan duh mi a si tiah Muslim communities nih a chim.a cozah le Muslim pawl hna karlak kongah UN nih cun Muslim pawl hna nak in Sri Lanka cozah tu a maw chiat deuh hna.

 

Sri Lanka cozah nih Muslim pawl hna chawdawr le um nak neilo tiang in a umter mi hna cu an phung a si lo.Muslim pawl hna nih hin Vawlei cung Khrihfa le Muslim karlak ah buaibainak a chuahter khawh.Biaknak lei ah cun Muslim le Buddhist le Christian le Hindu hna cu an i khat dih ko,a cozah nih an karlak ah rian a t’uan ning cu palh t’anh deuh a si tiah a chim.

Source: BBC