Aluancia Bawipa thawht’hanni sunglawi “Easter Sunday”an rak tuah lio ah nunnak thap bak in bomb puah nak ruang ah minung 250 an rak thi.cu pin ah tamlak te nih hliamhma an rak tuar i,cu ruangah cun Sri Lanka cozah nih cun caan zei maw zat chung veto power a hman i,a ram chungah ningcang lo deuh in ramdang mi khua a sa mi hna cu zei maw zat a t’hawl dawi hna pin ah ralhrang pawl he i pehtleihnak a ngei ti mi hna cu zei maw zat a thah fawn hna.
Cun, July 23.2019 ah khan Sri Lanka president Maithripala Sirisena nih cun kan ram mipi hna nun nak a him rih lo caah October thla tiang khi veto power hmang rih dingin biachahnak tuah a si tiah thawngthanhnak a tuah t’han rih. cun, Sri Lanka cozah nih hi ti bantuk in biachahnak kan tuah mi cu a cozah humhim duh ruangah si lo in Sri Lanka ram mipi hna nun nak humhim kan duh ruangtu ah a si.zeicah kan tiah cun hi tibantuk in biachahnak kan tuah lo a si ah cun mipi hna hi duh ningin ven khawh ding an si lo caah a si tiah a chim.
Cuhlan ah cun Sri Lanka cozah ralkap hna le palik pawl hna nih lakhruak in rian t’uan an duh tik ah t’uanvo neitu hna sin ah nawlpatnak le theihter nak rak tuah hmasa hnu ah rian an rak t’uan tawn.cu thil cu t’ha a si rual in,a tu Sri Lanka ram chungah thil kan ton mi he cun a ralchan ngaingai mi a si caah,ralhrang hna konghe pehtlai in a cozah nih ram chung mipi him tein kan chiah khawh nak hnga a cozah ralkap le palik hna nih rian an t’uan khawh nak hnga caah biachahnak tuah mi a si tiah a chim.
Sri Lanka cozah nih Easter Sunday hnu in veto power a hmang hnu ah a ram chungah ralhrang pawl hna he i pehtleihnak an ngei ko,ralhrang pawl hna caah a thli in rian t’uantu a si tiah an puh mi hna hi zei maw zat an thah pin hna ah a tu ah hin minung 100 renglo an biaceih dingin a hrem cuahmah rih hna.cun, Sri Lanka cozah ralkap le Palik hna nih mipi an vennak hmun cio ah lakhruak in thil a cangmi a um a si ah cun an mah nawlngeihnak in hriamnam hman khawh nak ngawl an ngeih dih,cucu October thla tiang a si lai tiah an chim.
Credit: Vanglaini
