Sri Lanka Cozah Nih A Rian A Phuah Khawhlo Mi Defence Secretary Nih Ton Dingmi Hi Rak Rel Ve Hmanh

Kan hnu lei Sri Lanka khuapi chung April 21.2019 lio i kan Bawipa thawht’han ni (Easter Sunday) ah tuksum bomb puah nak a chuak mi kongah Sri Lanka cozah nih cun an cozah ralkap Defence Secretary Hemasiri Fernando rian t’uan ning a t’hatlo caah a si tiah a rak puh.cun a cozah Defence Secretary Hemasiri Fernando cu an president zong nih na rian in mak/dinh nak Ca rak chia tiah voi tampi a chimh na in Defence Secretary Hemasiri Fernando nih cun a rian dinhnak Ca cu a chiah duh bak lo i a rian cu aa tleih peng.

Palik chief Pujith Jayasundara & Defence Secretary Hemasiri Fernando photo

Cun, a cozah nih Defence Secretary Hemasiri Fernando cun a cozah Defence Secretary a si nak a rian in a chuah bu ah a rian Defence Secretary cu tleih chih aa tim peng tik ah a cozah nih cun Defence Secretary Hemasiri Fernando cu a rian t’uan nak konghe pehtlai in mah pa hi a ram le miphun hna caah rian t’ha tein a t’uan duh lo mi a si tiah case an tuah piak t’han i a tu hi a bia ceih piak dingin timhlamh nak an nei tiah an chim.

Sri Lanka Attorney General Dappula de Livera nih cun Sri Lanka Palik chief sin ah Ca a kuat i kha lio caan ah tuksum thih nak a chuah mi kha Defence Secretary Hemasiri Fernando nih t’ha tein a rian a t’uanlo nak cu fiang tein hmuh khawh a si cang i,tehte zong felfai tein neih a si cang caah bia ceih zungah chuahpi a si lai.cun, a rian t’uan nak konghe a pehtlai mi vialte zong dothlatnak tuah dih a si lai tiah a chim.

Sri Lanka Attorney General Dappula de Livera & President Maithripala Sirisena photo.

Defence Secretary Hemasiri Fernando nih hin hi thil a cang dingmi hi a duh ah cun a rak dang kho dingmi a si na in zei ruangah dah a rak dan duhlo?ti mi zong fel fai tein dothlatnak kan tuah lai tiah a chim.cun, hi tuksum thihnak kongah President Maithripala Sirisena nih cun Sri Lanka Palik hruaitu a lun cem a si mi Pujith Jayasundara zong a rian t’uan ning a t’ha lo ti ruangah a rian in a rak chuah cang i Hemasiri Fernando le Pujith Jayasundara hna cu Sri Lanka paliamentary inquiry commission nih biahalnak zong an rak tuah cang hna tiah an chim.

Source: BBC

Author: Salai Ephraim