A luancia Easter Sunday lio i Sri Lanka ram chungah nun nak thap in tuksum i thahnak a rak chuak mi konghe pehtlai in US, Canada, Japan, Australia, EU ram pawl hna nih cun Sri Lanka President Maithripala Sirisena sin ah palai an thlah cio i ton biaruahnak an neih tik ah.Sri Lanka President nih cun kha lio caan i i pehtlainak a neiko lai tiah kan lunghrint mi vialte hna cu kan tleih dih cang tiah a chim.
Cun Sri Lanka President nih cun mah lio i nun nak thap in bomb a puahtu hna kha ramdang in ka ram chungah a rak ra mi an si lo i kei mah ram chung bak ah khuasa mi National Thowheeth Jama ralhrang pawl thil tuahmi a si tiah a chim.cun hi National Thowheeth Jama ralhrang pawl hna he rian a t’uanti mi hi kan theih khawh lo mi an um sual,cu bantuk minung kan tleih khawh nak ding caah Sri Lanka cozah nih cun emergency law phunghram thar kan sermi cu hmang peng a si ko rih lai tiah a chim.
Sri Landka cozah nih a ram chungah tuksum i thah nak a chuah hnu in emergency law phunghramthar hi a cozah nih a ser ve i a cozah security force ralkap pawl hna nih an mah duh ning in rian an t’uan khawh nak ding caah le an zumhlo mi hna minung cungah duh tawk in rian an t’uan khawh nak hnga ding caah a sermi a si.
Sri Lanka President Maithripala Sirisena nih cun a tu ah cun Sri Lanka ram cu 100% ah 99% in a him cang tiah a chim i,hi bia a chim dih bak in ramdang in a ra mi palai pawl hna nih cun a cozah a ram chungah ramdang mi rak luh le a ram mi leng chuah lo dingin biachahnak a tuah mi cu rak kan awn piak cang tiah an chimh.
Source: BBC
