Paletwa ramkulh chung a si mi BawngWa khuami tlangval minung 4 hna cu hlei remhnak ding caah Lung an la i,rian an t’uan nak hmun in inn lei an rak kir pah,lampi ah Arakan Army (AA) hriam tlai pawl hna nih an rak bawh hna i zei hmanh chim lo in an rak tleih hna tiah theih a si.hi an tleih nak hna konghe pehtlai Paletwa mipi hna nih cun sual nak an ngeihlo caah an rak thlah cawlhte ko hna lai tiah an ruah na in a tu tiang an thlah duh rih hna lo tiah an chim.
Cun,an tleih dih hna hnu in Arakan Army (AA) hriam tlai pawl hna nih khuazei lei an chiah hna ti zong zei hmanh theih a si lo.an thih le an nun zong theih a si lo.an chungkhar hna cu lungrethei taktak in an um ko tiah an chim.hi tibantuk in an rian t’uan nak in inn lei an rak kir pah ah an tleih mi hna hi Ai Kyaw Sein, Ai Kyaw Kyaw Than, Ai Kyaw Lyn le Ai Kyaw Lyn Naing hna an si.
Arakan Army (AA) hriam tlai pawl hna nih lampi ah motorbike pahnih in an rak bawh hna.an sin an rak phanh bak in an motorbike pahnih ah an phirh hna i cu ti cun lo diam in an kap pi hna hi a si tiah khuami hna nih an chim.cun,Arakan Army (AA) hriam tlai pawl hna nih hi tibantuk in an rak tleih hna cu mi zei hmanh nih theih a si lo.
Amahbelte an rian t’uan caan le inn an rak tlun caan a tlin tik ah an rak kirti lo i,khuami hna nih zeidah a cang hnga tiah an rian t’uan nak ah cun va kal in dothlatnak tuah a si hnu lawngah Arakan Army (AA) hriam tlai pawl hna nih an tleih hna cu theih khawh a si.Arakan Army (AA) hriam tlai pawl hna sin ah an sining cu dothlat cuahmah a si na in AA lei in zei hmanh an chim duh lo tiah khuami hna nih an chim.
Credit:chindwinpost
