Sudan Cozah Ralkap Cu Sudan Civil Cozah Sinah An Khup An I Bill A Hau Cang Men Lai

Sudan ram cu ralkap uk nak in caan zei maw zat chung an kal manh cang.asinain Sudan mipi hna nih ralkap uk nak in i t’hit hruai cu an duh lo caah mipi nih lungrual taktak in Civil cozah an dirh.mipi nih Civil cozah an dir ni bak ah Sudan ram uk tu ralkap he an i phomh cawlh i Civil minung tam lak te an nun nak a liam.cu ti cu thla thum renglo deuh a Sudan ralkap le Civil cozah mipi cu an i phomh peng i kaphnih minung mithi tamlak te an um.

Cun, July 6.2019 ah Sudan ram a pen cuahmah tu a cozah ralkap hruaitu hna nih cun Civil cozah hruaitu pawl hna cu hmai tonh tobiaruah nak an eih pi hna i,kaphnih cozah karlak rian t’uantu (joint military civilian sovereign council)ser dingin remdaihnak an ser piak cang hna tiah an chim.a mahbelte Civil cozah le Sudan cozah ralkap hna nih joint military civilian sovereign council an sermi nih hin Civil duh ning cu 100 ah 100 bak cun rian an t’uan kho lai lo.

Asinain Civil cozah nih a timh ningah cun joint military civilian sovereign council i chirhchan in a rauh hlan ah Sudan ram ithimnak cu ningcang tein kalpi an i tim.cucu a Sudan cozah ralkap lei nih an duh ve lo na in Civil cozah he a that nawng peng ding dirhmun an si caah a ran nak lei in joint military civilian sovereign council tu dir dingin remdaihnak a serpi mi hna hi a si tiah an chim.

Sudan cozah ralkap le Civil cozah karlak ah rian t’uantu palai African Union mediator Mohamed Hassan Lebatt nih cun kaphnih cozah nih a tu bantuk in joint military civilian sovereign council cu ser kho hmanh hna sehlaw a ralkap cozah lei in tuah an duhmi an tuah peng ko a si ah cun san a tlai lai tiah kan ruat lo.joint military civilian sovereign council an dirh hnu in kum 3 tal cu Sudan ram thlen nak caah a rau rih lai tiah a chim.cin,Civil cozah nih an duh ning cun a cozah ralkap lei nih an an duh lai tiah kan ruat lo.A cozah ralkap nih remdaihnak serlo in Civil cozah a nawr pengah cun Sudan ram chungah hacang rial nak(ral) a chuak kho tiah a chim.

Source: BBC