Sudan Ram Dihlak Mipi Nih A Cozah Nawlbuar Dingin Buu An Dirh Taktak Cang

Sudan ram pumpi dilak chung khuasa mi,Sudan mipi hna nih cun an ram a uk tu Ralkap cozah doh dingah civil party an ser i cu civil party pawl hna nih cun Ralkap cozah cu lak t’han dingah biachahnak an tuah cang tiah an chim.cun hi civil party pawl hna nih cun an cozah ralkap uk nak cu kan duhlo in mipi nih zalong tein mah tein i uk khawh nak kan lak hlan lo cu paoh cu kan ma ti lai lo i a cozah ralkap hna cu a dihdongh tiang in kan doh hna lai tiah an chim.


Sudan cozah ralkap uk nak doh dingah Civil party an tuah mi cu Sudanese Professionals Association hruaitu pawl hna zong nih biatak tein an dirkamh hna i thazaang zong an pek fawn hna tiah an chim. Civil party buu cu caan saupi an tawlrel hnu ah tuchun lawngah tlamtling tein biachahnak an tuah khawh tiah an chim.Sudan state televison nih a chim ningah cun Civil cozah party an dirhthar mi hna nih hin kan duh mi le kan i timh mi a cozah ralkap nih an kan cohlan i an kan pek duhlo a si ah cun a dihdongh tiangin kan doh hna lai tiah an chim.

Cun Sudanese Professionals Association hruaitu pawl hna nih cun Sudan cozah nih a cohlan hna lo a si ah cun Civil party pawl hna nih thazaang in an doh hna lai.cu hnu ah Civil party nih a cozah ralkap uk nak cu an lak hrimhrim lai. zeicahtiah Civil party pawl hna nih a duh lo mi kong ah tuah an i timh mi cu vawlei cung hriamnam lak ah t’ihnung cem mi hriamnam an si tiah a chim.

Sudanese Professionals Association pawl hna hi nikum December thla khan Sudan president duhlo in mipi nih an thlak ruangah dirmi party an si i,a mah belte April 11 ah khan Sudan Transitional Military Council nih ralkap uk nak in Sudan ram cu um seh tiah an lak t’han ruangah Civil party an dirh t’han nak hi a si.hi kongah African Union Chairper son Commission Moussa Faki Mahamat nih cun ramdang mi hna,mi zei hmanh itel ve lo dingin nawlpatnak a tuah ruangah African Union nih cun Sudan cozah cu an menber chungtel sinak in an chuah hna tiah an chim.

Source: BBC

Author: Salai Ephraim