Sudan Ram Mipi Civil Party Pawl Hna Nih An Cozak Uk Nak Doh Hram An Thawk Cawlh

Sudanese Professionals Association hruaitu pawl hna nih an chim ningah cun Sudan cozah ralkal uk nak duhlo ruang ah Civil party cu ser a si i,cu Civl party ser a hun si bak in Sudan ram pumpi hmun kip ah a cozah ralkap uk nak kan duhlo tiah sandah piah in lam an zawh cawlh tiah an chim.cun Civil party pawl hna nih cu tibantuk in sandah an piah ni bak in an cozah ralkap pawl hna nih minung pa 4 an thah cawlh hna tiah an chim.

Sudan Civil party pawl hna hi Zarhpi Ni khan tlamtling teih an rak pumpi ah an dir kho i.cu Civil party ah an vun dirh ni bak in an cozah ralkap security force ralkap pawl hna he i doh hram an thawk cawlh.cun hi Civil party pawl hna lak ah hin sibawi thiam sang tampi hna nih an chawh hnawh hna i hliamhma a tuarmi hna cu um hmun ah an zoh khenh khawh cawlh hna tiah an chim.

Cun hi Sibawi thiamsang pawl hna hi Sudanese Professionals Association hruaitu pawl hna rian t’uanpi hawi an si i Sudan cozah ralkap uk nak a dohtu hna an si ve tiah an chim.cun Civil party hna lak ah sandah a piah ve mi Sudan bank rian t’uantu hna le airport rian t’uantu hna le electric lei zohkhenhtu hna zei maw zat cu an cozah ralkap nih an tleih hna tiah an chim fawn.

Cun an cozah ralkap uk nak lei nih cun Sudan rampum pi chungah nawl an chuah i hi Civil party pawl hna sin ah i cawh in kan cozah lei he a pehtlei in rian a t’uantu vialte hna nih cun nan telpi hna awk an si lai lo,nan rian tu felfai tein nan9 t’uan peng awk an si lai.hi bia a thei ko bu ah an telpi mi hna cu tleih i phungning tein nan cungah dantatnak pek nan si lai tiah an chim.

Source: BBC