Suiwarzawng revolution hruaitu pawl hna nih cun kum 2008 lio ah kawl ralkap nih a sermi phunghrampi cu sersiam dingin tawlrel cuahmah a si.a tawl reltu NLD cozah nih a sersiam khawh lo a si ah cun Suiwarzawng revolution ral kan tho lai i 2008 lio ah a kawl ralkap nih an rak sermi phunghram pi cu a dih lak in kan rawh dih lai i Kawlram nih a zulh dingmi phunghram cu a thar lawlaw in ser khawh ding bak in kan cawl cang lai tiah an chim.
Rampi phunghram remhnak konghe pehtlai in NLD cozah nih a remhkhawh bak lai tiah ruahchan nak a um ti lo. zeicahtiah phunghram sersiam(remh) vunchim lo a tu ah a kawl ralkap lei in Upadi a thar bak pathum an chap t’han rih.cu an chap mi cu NLD cozah nih remh a duh tuk mi pohmah 59nak(f) chungah a si.cun,Ramtthen CM(Wonkyichuk) pawl hna nih an zulh dingmi pin ah a thar an chap fawn rih.
Atu ah Hluttaw nih a sikhawh chungin 2008 constitution remkhawh nak dingin an tawlrel cuahmah.an remh khawh lo a si ah cun Suiwarzawng revolution hruai nak in thazaang bak in kan cawl lai i kawl ralkap phunghram cu a hloh bak in kan hloh lai tiah (Suiwarzawng revolution) phungki hruaitu pawl hna nih an chim.cun,a ngaingai kan ti ah cun kan nih Phungki hna nih cun 2008 phunghram cu remh si lo in a dih lak in hlawt dih i phunghram thar ser kan duh deuh!zeicahtiah cun remh hmanh usih law kawl ralkap kut in kan chuak kho lai lo ti hi kan hmuh dih mi a si tiah an hruaitu Uzin Puhrih nih a chim.
Cun,Suiwarzawng revolution an hruaitu Phungki Sayadaw U Min tohngiah nih cun 2008 phunghram ser siam nak ding caah Hluttaw lei in zei thawng dah an thanh lai tiah kan hngak ko rih hna.Hluttaw nih remh khaw lo ding a si i, Kawl ralkap nih an mah duh ning in an mersan a si ah cun Mipi thazaang hrimhrim in kan rawh dih lai.cucaah a tu cu lung aw-t’awm ngai in Hluttaw thawnhthanh mi kan hngah lio a si tiah a chim.
Credit:chinfuture
