Swedan Cakei Sang Bik Hmung Le Nagaland Paih t’hawng pawl July 13 ah an i phomh cang lai

Atu a ra lai mi 2019 July ni 13 ahkhin World Paih Championship(WPC, US hrambunh) nih Indianapolis ah ropui taktak in “Lai Paih” an tuah lai tiah theih a si.Vawlei cung hmun kip ramkip um Laimi vialte nih kan i ngaih taktak cang.zei tluk in dah zoh an dawh lai?Swedan Cakei kan Laipa Sang Bik Hmung a zaangt’hawn le t’han lo cu,khi ni le caan ah a lang ko cang lai.

Swedan Cakei Sang Bik Hmung photo.

Cu ni ahcun India lei in Nagaland Pa t’hawng pawl Chin Paih Champion Cakei Rung Lian Ceu hmanh biatak te a huai khomi an raa lai ti a si ca ah, thin domh in i hngahhlang cio a si. Naga Pa t’hawng pawl hrimhrim zuamhcawh dingin Champion Taisawm voihnih khengte a hmu cangmi Lai Paih Cakei Salai Sang Bik Hmung cu US lei ah a kal lai tiah kan theih.

Cun,cu lawng hmanh si loin US Laipa t’hawng pawl he zong i t’huat dingin aa timh-lamh hi a si.Laipa zei tluk in dah kan zaang a t’hawn i zei dah kan lawh? ti cu mit hmuh kut tongh bak in mipi hmaika ah an langhter cang hna lai.mipi nih cil zong dolh manhlo ding bak in kan i ngaih ko.timhtuahnak tampi an nei dih cang hna tiah theih a si.

Amah Salai Sang Bik Hmung hi Europe, Swedan ram ah a um tiah kan theih. Swedan ram le Norway ram Chin Miphun Ni ah Voikhat veve Bualco cangmi a si. Europe Chin mizapi nih biatak in atutan ahhin thazaang an pek i, Bualco a si hrimhrim lai tiah an zumh i, an dirpinak zong Europe PAIH Championship Page nih a langhter.

https://youtu.be/Iz_ZB-5SwGo?t=53

Ref: Europe Paih Phu
Europe paih Championship