Syria Cozah Air Strikes Nih A Cozah Kalning A Zul Lo Mi Civil Minung 10 A Thah Hna Pin Ah Ceilak Te Hliam An Tuar

Syria ral ruangah Syria ram mi hna zei maw zat hna cu a ram inn pa a si mi Damascus ram ah kir duhlo in tampi an um peng rih.cun, Syria cozah nih cun a ram chungah um ngam duh lo in a ram inn pa hna le hmun dangdang ah a kal/zam mi pawl hna cu a cozah kalning le phunghram a zul duh lo mi an si tiah a soisel hna.nai teah Damascus ram chungah a um mi Syira ram mi zei maw zat hna cu Russia tawlrel nak in Syria ram ah an kir t’han.

 

Cun,Syria ram mi hna hmun dangah khau a sa in a rak kir mi hna chungin mi cheu hna cu an mah Syria khuapi a si mi Idlib khua chungah hmun an khuar hna nih a cozah kalning an duh lo mi cu an rak doh ve. Aleppo, Hama, Latakia, Idlib ram hna hi Syria ram chung khuapi lawng te an si dih.asinain hi khua pawl hna uk tu bawi an i dang dih ve tik ah,hi khua chungah a um i President Bashar Hafez al-Assad cozah dohkalh a timtu pawl hna cu president Assad cozah nih Air Strikes in bomb an thlak hnawh hna tik ah Civil minung 10 ruak an char.

 

Syrian Observatory for Human Rights nih a chim ningah cun mithi 10 cu char an si cang na in bomb nih inn lo a rawh mi tangah char khawh lo mi le kan hmuh rihlo mi hna tampi an um rih lai tiah a chim.cu pin ah hliamhma a tuar mi hna hi 740 an si mithi hna lak ah hin bawhte a si mi hngakchia hna zong an i tel tiah a chim.Syria tualchung buaibainak ruangah minung 400,000 renglo hna cu um nak inn ngeilo in lam pawngah bukte”thlamte” i sak in khuasa mi an um tiah a chim.

 

UN rights chief Michelle Bachelet nih cun Syria ral ruangah Syria ram mi mi tampi hna nih cun president Assad cozah rian t’uan t’hatlo ruangah sual an phawt i,an ram mipi le a cozah karlak ah i thahnawn nak a chuak peng.hi hnu zongah thil cang ko mi a si.Syria tualchung buainak ruangah mipi 370,000 renglo nun nak a liam cang.cun, a tutan zong ah Syria ram chung a si mi Aleppo, Hama, Latakia, Idlib khua chungah Sianginn 50 tluk cu a cozah nih a rawh piak dih hna tiah a chim.United Nations’ humanitarian coordination office OCHA nih cun Syria ram chungah health facilities or medical workers rian t’uantu hna cu thla 3 chungah minung 39 bak thah an si cang tiah a chim.

Source: AFP, Beirut