Syria ram chungah hin ISIS ralhrang pawl hna nih hmun thum ah hmunhnih tluk Syria ram cu an lak i an mah ram le hmun hma bak ah ser an timh.cu hnu ah America presidet Trump nih a doh hna hnu in Syria ram um ralhrang IS pawl hna cu an i t’hek darh dih ngawt ti awk a si.asinain nizan nai ah khan US Secretary of State Mike Pompeo nih cun Syria ram chung lawng si lo in hmun dangdang ah khuasa mi ISIS ralhrang pawl hna cu a thar bak in an i zirh i,a luan cia kum thum lio nak hmanh khan a tu ah cun an t’hawngt’ha cang tiah a chim.
Cun, China nih Syria cozah sin ah Ca a kuat i nawlpatnak a tuah mi cu Syria ram chung um ISIS ralhrang pawl hna cu a thar in an karh t’han caah Syria cozah nih na ram chungah khua an sak khawh lo nak ding na doh hna le na kham hna an hau cang.na ram chungum ralhrang hna na kham doh khawh hna nak ding caah cun na ram chungah mah le mah (tualchung ral) a tho peng mi hi na mak cang a hau tiah Ca a kuat.a mahbelte hi kongah Syria nih China a lehnak hmuh khawh a si rihlo.
Zahan ah Monitoring group Syrian Observatory for Human Rights nih a chim ningah cun Syria ram chung i chirhchan in caan saupi khua a rak sa mi hna ISIS ralhrang pawl um nak hmun zei maw zat cu Syria cozah ralkap nih an kah t’han hna i,ralhrang hna kut in Syria cozah nih a lat t’han tiah thawngthanhnak an tuah.
Cun, a tutan ah Syria cozah nih ISIS ralhrang hna kut in an ram an lat t’han mi hmun hi central Syria ram chung a si mi Hama pengtlang chungah ralhrang hna nih khua an sak hmun hna an si.a mah belte an lak t’han mi khua min pawl hna cu a fiang rih lo tiah an chim.Syria cozah ralkap hna nih hi tibantuk in an mah ram chung bak ah ralhrang hna nih an ram an chuh hna i an lak t’han khawh mi hi kum 2012 in a tu tiangah a voi khat nak lawng a si rih tiah an chim.
Source: BBC
