Syria cozah ralkap hna nih cun Nichuahlei Syria ram chungah hriamnam tamlak te an hmuh i,cu hriamnam tamlak te an hmuh mi chungin a cheu chum hna cu America ram le Israel ram nih a sermi hna an si tiah an chim.cun, hi hriamnam an hmuh mi hna lak ah meithal lawng si lo in lamhlat pi in i chawnh kkhawh nak le mi ngiatthlainak thil ri pawl hna zong tampi an um tiah Syria nih thawngthanhnak a tuah.
Hi hriamnam an hmuh mi hna hi a tam u hna cu America ram sermi mi machine gun le sniper rifle pawl hna an si.cun, lamhlat pi pi in i chawnh khawh nak thilri an hmuh mi hna cu Israel ram sermi an si i,Israel nih a ser hnawh chan cu zaan khuamui lak ah pakhat le pakhat um nak hmun fiang tein i theih khawh nak ding tiangin a piah kho tu hriamnam an si tiah Syria nih a chim.
Cun,lam hlat pi in hman khawh mi Grad rockets, rocket propelled grenade, artillery shells hriamnam hna zong tampi an i tel pin ah meithal kuanfang round 2,00,000 renglo an lak chih tiah an chim.Syria nih hin cuhlan ah a tu bantuk in mi zei hriamnam dah a si tiah theihlo in (Daara southern province)ah voi khat cu hriamnam tamlak te an rak hmuh bal cang.
Hi konghe pehtlai in Syria nih hriamnam a hmuh nak khua ram hna hi Syria ral a rak thawh lio in kum 8 chung bak ral a rak thawh nak hmun a si caah ralhrang dangdang hna nih hriamnam an thuh nawh nak hmun a rak si i,hriamnam thuh nak hmun ah a rak rem ngaimi hmun a si caah Syria ralkap pawl hna nih hriamnam dangdang an hmuh tawn nak a si.cucaah Syria nih hi tibantuk bia a chim mi kongah US le Israel nih lehnak zei hmanh an tuah duh lo tiah an chim.
Source: AF
