Taliban Misual An Hruaitu Pa Hi Obama Nih Thlankhur In A Rak Chuah Mi Pa A Si

Atu lio Taliban an hruaitu a simi, Khairullah Khairkhwa cu 2014 ah president hlun Obama nih Guantanamo Prison in thong a rak chuahmi a si. President Bush chan 2002 ah Al Qaeda le Osama Binladin he Sep 11 ralhrang tuknak rian an tuanti caah Pakistan ram ah an va tlaih I thongah an hrenmi a si.

Asinain Obama nih 2014 ah thong in a chuahmi lila cu atu ah Taliban hruaitu ah a cang than cang.Obama hi US ram dawtu taktak si loin Liberal agenda hlawhtlinnak le Globalist hlawhtlinnak caah a zuammi a si. A tinhmi hlawhtlinnak dingah cun US ram hmanh a zuar lai tiah a dotu hna nih an zumhmi a si.


Rev. Franklin Graham nih a tialmi hi tha tein rel cio tuah uh! democracy human rights le freedom a duhmi Afghan mipi caah ngiahchia tuk a si hlei ah Khrihfa hna le US cozah le ralkap a bawmtu hna caah saram thinlung a ngei lomi hna nih van uk ding cu ngaihchia taktak a si.


US ralkap an chuah hlan ah mah vialte hna an humhimnak hi rak tuah dih hnu ah US ralkap chuah ding timh a si nain zeihmanh an tuah hlan ah atu bantuk in fawite hlat in Taliban nih Afghan cozah an thlak ko cu President Biden le Vice President an santlaih lo ning le an dawhceo ning mual a pho lawlaw si ko.

Credit: Salai Lairamthang