Taliban Ralhrang Pawl Hna Nih Afghanistan Cozah Ralkap Kut In Afghanistan Ram Zei Maw Zat An Lak

Afghanistan cozah nih a pen mi Thlanglei Baghlan ram cu Taliban ralhrang pawl hna nih an cozah kut bak in an lak khawh tiah an chim.Baghlan ram hi district a si caah Baghlan district chung khua vialte hna zong Taliban ralhrang pawl hna nih cun an lak dih.hi konghe pehtlai in Baghlan district governor Sahib Dad Ghafoori nih cun kan cozah ralkap hna nih Taliban ralhrang hna kut in ram cu an ven peng ve ko na in an tei khawh ti hna lo caah a si tiah fiang hlang tein a chim.

Cun,Baghlan district governor Sahib Dad Ghafoori nih cun a tu ah cun Taliban ralhrang pawl hna nih hriamnam t’ihnung he Baghlan district chung khua vialte hna cu an lak dih cang i mipi vialte hna zong an um nak hmun chuah tak lo bak dingin hriamnam he an bawh dih hna caah a zei ti hmanh in kah/doh awk t’ha an si ti lo.kan kah/doh hna a si ah cun mipi zei sual nak a neilo mi tam tuk nih an tuar ding a si cang tiah a chim.

Taliban ralhrang hna nih Baghlan district an lak ning cu Ca cawn nikhat nih zaan khan Afghanistan cozah ralkap pawl hna cu ruahlo pi in an tuk/kah hna i kap ralkap minung zei maw zat hna cu an thi i, hliamhma a tuar mi zong tam lak te an si tiah Baghlan district chung Kayan khua mi pawl hna nih an chim.asinain mithi le hliamhma a tuar mi hna kongah a cozah nih fiang tein thawngzamhnak a tuah duh lo caah cu zat,kha zat an thi tiah theih a si lo.

Cun. Taliban ralhrang pawl hna nih Afghanistan cozah ralkap hna kut in Baghlan district chung khua vialte an lak mi ruangah Taliban ralhrang pawl hna nih cun Kabul ram i chirhchan in an duh mi paoh cu an kah khawh cang hna pin ah Afghanistan ram le a veel chum ram pawl hna caah cun thin phang dai lo bantuk a si tiah an chim.a mah belte hi kongah Taliban ralhrang hna nih zei hmanh an chim phuan mi a um rih loh.

Source: Indian Today