(1Johan 2:15) Vawlei hi siseh a chung thilri hi si hna seh, tlaihchan hna hlah u. Vawlei hi nan tlaihchan ahcun, Pathian dawtnak kha nan chungah a um lo.“Demas cu tu chan vawlei he an i duh i a ka zamtak ai; Thesalonika khua ah a kal cang.” (2 Timote 4:10)
(1Tim 6:10)“Tangka duhnak hi ṭhatlonak phun kip chuahnak hram a si. Mi a cheu cu tangka ngeih an duh tuk caah zumhnak kha an kaltak i ngaih chiat nak a phunphun an tong.”
Vawlei pumsa nuamhnak hi duh tuk i taksa nuamhnak le vawlei thil le ri lawngte ruah peng ahcun thlarau nun caah ṭih a nung i Bawipa he kan i pehtlaihnak tiang a hrawh khawh. Kan i theihlo kar le kan i ralrin lo kar ah Bawipa hi zamtak a fawite. Kan ralpa Satan hi i din lo in rian a rak ṭuan peng i, i ralrin peng le fimkhur tein kan um peng hi a herh tuk.
Lot nupi a lohnak le cite tung ah a cannak zong kha sual khuapi Sodom le Gomorrah a tlaihchan tuk caah a si ko. Demas zong pumsa nuamhnak le vawlei thil le ri a duh tuk ruang ah a lo ko; Paul zong kha a zamtak. Tangka kawl le duh ziathiam lo hna hi kan zumhnak le thlarau nun caah ṭih a rak nung tuk i Bawipa he kan i pehtlaihnak a hnursuan khawh i a hrawh khawh. Kan i ralrin ding hi a tam ko.
Credit: Rev.Abraham Ram Lian Khar
