Tatmadaw Ralkap Nih WA Ralkap Pawl Hna Hriamnam An Hmuh Cun Lungrethei Taktak In An Um

April thla chung i Tatmadaw ralkap hna hmai ah WA ralkap pawl hna nih bia an chim mi le an hriamnam an langhter mi ruangah khan kawl cozah ralkap pawl hna cu lungrethei in an um tiah an chim.WA ralkap hna nih cun Tamadaw ralkap hna he kan kar lak ah buaibainak le i tuk den nak chuahter cu kan duhlo i kan i sum tiah an chim.

Myanmar Gen.Soe Naing Oo photo.

Cun WA ralkap nih a tu bantuk in an hriamnam le an ralthuam pawl hna langsar ngai in a langhter mi cu Tatmadaw Gen.Soe Naing Oo nih cun WA ralkap hna nih kawl cozah ralkap an kan zuam cawh biatu a si deuh.WA ralkap pawl hna nih kawl cozah tluk in kan cak i an neih mi hriamnam bantuk kan nei ve ti khi an langhter duh mi cu a si tiah a chim.

 

Cun WA nih an hriamnam le an ralthuam an langhter lio ah hin Tatmadaw nih a chim bantuk in an ralthuam t’hatha hna cu an langhter hna pin ah WA nih a rinhchan ngaongai mi a ralkap t’ha t’ha hna zong an langhter chih.cun mi zei paoh nih zei tluk in dah WA ralkap pawl hna cu an hriamnam a t’hat ti le an thazaang a cah ti cu mipi nih theih dih a si.

Cun WA nih a hman mi policy le Tatmadaw nih a hman mi policy cu an ralkap kongah a dang ngaingai.cucu kawl cozah nih cun Tatmadaw lawng ah a ralkap cu an um awk a si tiah an biachah mi cu a si.WA nih cun cu bantuk policy cu an nei lo.cun WA hi kawl ram chung um mi an si na in kawl cozah nih an chungah zei nawl ngeihnak hmanh an nei lo,an mah te in aa Uk mi hna an si.