Chinram a ceutertu American Khrihfabu an si. Khrihfa an tthawnnak ram, nihin tiang ah Pathian min aa tlaih tukmi an si rih nain 1969 i thlapa cung a kaimi hna lak i pakhat nih Bawipa Zanriah a eimi cu NASA nih thuh-nawh an rak i zuam.
Neil Armstrong (2012 ah a thi.) nih thlapa a phakpitu hna a simi seh Eagle chung in a chuah hlante ahhin amah he thlapa a lam ttimi Buzz Aldrin cu Bawipa zariah an hmang ta. Bawipa Zanriah hi rak hmang ta hlah sehlaw, Armstrong siloin amah hi Thlapa a lam hmasabik a si kho men ti a si.
Armstrong cu Israel ah Jesus vailamtah he a tluknak hmun ah a rak kal. Asinain Aldrin cu thlapa cung ah Bawipa Zanriah a rak hmang. Mah cu NASA nih chim loding biathup ah chiah an rak i zuam.
Buzz Aldrin a nu min ah Marion Moon ti a si, i a fapa Aldrin cu thlapa (moon) a phan. Aldrin cu Pathian a duh i biakinn a phan lengmangmi a rak si. Pastor pakhat nih Pathian cu nifatin kan nunnak ahhin aa phuang lengmang ko, aa langh lengmang ko tiah a rak chimmi bia hi a lung ah a chiah ti a si.Asinain thlapa an kai i an kir hnu ah zu a rak ding ngaingai, cun nupi tam ngai aa thlengmi a si.
Note: VårtLand (vl.no) timi Norway Khrihfa Thawngca chuahmi chung ah Buzz Aldrin kong an ttialmi chung a tawinak te kan charmi a si.Credit:http://Teirial Caṭialtu
Carel a huam mi caah CNA/F rian t’uan nak konghe pehtlai in a tangah kan tarchih mi hi rak rel ve te law? mipi nih theih a herh ngaingai mi a si ve?
By Pa Hmun; Facebook hawi le hna; USA Chinland club sawm nak in May 17 in July 9 tiang America ah state pa 13 (UTAH, IOWA, MICHIGAN, INDIANAPOLIS, MARYLAND, NEW YORK, NORTH CAROLINA, GEORGIA, FLORIDA, KANSAS, MISSOURI, TEXAS) le khua pi 15 kan va tlawng kho. Krifa bu 11 ah Thawngtha bia voi 14 chimnak caan tha ka ngei kho. Community ah ramkhel kong le Chinland club kong chim phuan nak voi 11 ka ngei kho. Chinland club committee zong state 6 ah kan dirh kho (Indianapolis, Maryland, Charlotte, Georgia, Kansas le Dallas) hna ah Chinland club committee tha te in kan rak dir kho.
Chinland club kong le CNF kong, mipi sin ah chim phuan nak ka ngeih mi hlawhtling nak le mipi nih theih fiang nak an ngeih khawh mi cungah kaa lung hmuih ngaingai. Lungsau tein chimphuan peng ding asi zia ka theih fiang hlei ah keimah zong tampi in thazaang ka ngah. CC Committee pa 6 le adangdang in CC member 150 in 200 hrawng cu kan karh ko lai tiah ruahchan nak ka ngei.Tutan, America kan tlawn nak ah hawi tha hna he, chungkhar sahlawh hna he tampi in kan i hmu kho.
America um mi Zotung unau pawl nih kum 1 voi 1 an tuah ton mi ZOA Conference zong ah guest speaker in an ka sawm i, ramkhel kong le miphun kong chimrel nak ka ngeih khoh mi cungah kaa lung a hmui tuk.USA kan um chung ka u le ( Ka u A Sui le ka u Maung Maung, kan pu Rev. Vanlal Dinga) hna nih thluachuah hal piak thlacam nak an kan tuah piak. Charlotte Zotung community nih Vok sum 5 in hang an kan soh. Kansas City Siatlai unau hna he rawl dum tinak caan tha kan hmu kho.
America Chin mi lawng si lo in Chin mi vialte nih kan i zohthla mi member 3000 hrawng asi mi Indiana Chin Baptist Church (ICBC) (Chin mi kan pa Rev. Dr. Hre Kio Senior Pastor a tuan nak) ah bia tawi chim nak (10 minute) ka ngei kho mi cung ah ka lung a tling tuk hringhran.CEBC le Zophei Baptist ah zong bia chim nak caan tha an ka pek ko nain pumh caan aa rem ti lo caah ka chim kho ti lo.
USA kan um chung a kan zohkhen tu chungkhar hna le hawi kom tha hna nan zapi cungah lawmhnak bia chim cawk lo ka ngei. Thawngtha bia chimnak caan ttha a kan pe tu krifa bu cungah kan biak Pathian tu nih thluachuah in pe ko hna sehEighties lio RASU kai ti hawi tha hna he ton khawhnak caan tha kan ngei mi hrimhrim asunglawi tuk hringhran.America Chinland club committee cungah le ZOA committee riantuan tu nan zapi cungah lunglawmh nak tampi ka ngei.
Credit: http://Pa Hmun
