Thailand Cozah Nih Inn Chungah Kuat (Cigarettes) Zukmi Hna Ceilak In Dantat Khawh Nak Phung A Ser

Kawl ram zongah mah bantuk phunghram hi ser ve hna sehlaw a t’han tuk hnga mu.Thailand cozah nih cun a ram chungah mi pakhat khat nih Inn chungah kuat zu lo dingah phunghram thar a ser t’han.Thailand cozah nih cun kan ram chungah miphun dang/ramdang mi an si ah kan mah ram mi an si ah, Inn chung bak ah kuat a zuk i a pak a si ah cun mi zei paoh nih a cozah sin ah report a tuah khawh tiah june 22 ah thawngzamhnak an tuah cang tiah an chim.

Cun,Thailand cozah nih cun kuat a zu ve lo mi hna caah khuat khu cu zawtnak rai a phurtu a si caah le thihnak tiangin a chuahpi tu a si caahphunghram thar kan sermi a si tiah an chim.kuat zut nak konghe pehtlai in Thailand nih phung hram thar a sermi hi Thailand Women and Family Welfare Deparment tawlrel nak in phunghram thar sermi a si tiah an chim.amah belte hi phunghram cu ser a si na in rian t’uan hram thawk a si rihlo i August 20 hnu in pehzulh a si cang lai tiah an chim.

 

Hi konghe pehtlai in Thailand cozah nih cun kum 2018 Feb thla lio ah khan a ram chungah mah duh paoh in kuat zut lo dingah thawnhzamhnak a rak tuah i kuat zut a duhmi hna nih cun kuat a zu ve lo mi hna lak in a hlatnak hmun 5 metre lawngah an zuk lai tiah a rak chim bal cang.cun kuat a zu mi hna cu Thailand phaisa 5000 bak cawiter an si lai tiah a rak chim cang.

Asinain an phunghram taktak ah telh le namnehnak tuah a rak si lo i a tu cu Thailand cozah phunghrampi bak ah telh chih a si cang tiah an chim.a cozah nih kuat zut nak kongah phunghram ah a telh mi cu a mipi hna nih an duhlo i bia tak tein an phun zai i a cozah nih mah bantuk thil a tuah a si ah cun Thailand ram chung dihlak ah kuat zut lo dingin a tuah lawlaw awk a si tiah an chim.

Author: Salai Ephraim