Tlailand ram chung khuapi a si mi Changmai khuapi chungah NCA minsen a thu mi hna Tlangcung hriam tlai pawl hna ton biaruahnak ngeih a si i,cu ton biaruahnak ah cun CNA/f lei in kan Pa le minung 4 hna zong an itel kho ve tiah theih a si.Changmai khuapi chungah Tlangcung hriamtlai ton biaruahnak an tuah mi hi October 10 in an thok i October 12 tiang Peace Process Steering Team ngeih a si lai.
Cun,Peace Process Steering Team ton biaruahnak ah CNF lei kan Pa le a tel kho mi hna hi CNF vice chairman Dr. Lian Hmung Sakhong, CNF General Secretary Salai Thla Hei, Assistant General Secretary Dr. Sui Khar le CNF Central Committee chungtel Pi Leng Ning Kee hna an si.hi ton biaruahnak chungah an ceih mi hna cu a tlangpi in Peace Process Steering Team rian t’uan nak report pek hna le Kawlram ah remdaihnak a len khawh nak hnga ti a si.
Cun,hmailei ah zei bantuk rian dah kan t’uan lai i,zei hi dah kan i hmui tinh awk thil a si lai ti mi zong ceihkhan nak an ngei t’han lai tiah theih a si fawn.NCA theihpi nak chungin fek tein rian t’uanti nak ding le mah pumpak thang t’hat kawlnak lam zul lo in,Mi bu pakhat t’hat nak long ruat lo in lungthin khat le hmun khat teah rian kan t’uanti hna lai i Kawlram ramkomh chung khuasa miphun vialte hlawtnak ser khawh kan i zuam hna lai.kut sih in rian kan t’uanti hna lai tiah RCSS chairman Gen. Yuat Sit nih a chim.
Cun, NCA minsen a thu mi hna nih hi tibantuk in ton biaruahnak kan ngeih lio ah le Kawlram ah remdaihnak a len khawh nak hnga ti kan ceih khan cuahmah lio ah khat le khat in i kahdohnak thil a chuah nak hnga lo,biatak tein kan tawlrel chih lai tiah a chim.
Credit: Chin National Front HQ Page
