ThanTlang Khua Nu Khua Pa Hna Rian Tuan Ning Cu Duh A Nung Taktak Mah Ding Bak A Si Ko

Thantlang khuapi chungah Aung San milem/zuk tar dingah tawlrel cuahmah a si mi cu Thantlang Khua Nu Khua Pa hna nih an duhlo ruangah hnawl/let t’han a si cang tiah theih a si.hi Aung San milem/zuk tar nak ding caah le a ser siam nak ding caah Thantlang Municipal Committee cu 2018-19 ah dirh a si i phaisa a dih dingmi budget zong a cozah nih kawl ram ting 300 bak a pek cang hna tiah theih a si.

Cun a cozah nih Thantlang Municipal Committee sin ah a pek mi ting 300 chungin ting 75 cu Aung San milem/zuk siamnak ding caah an chiah mi a si i,a mah belte Thantlang khua Nu khua Pa vialte hna nih khua chungah Aung San milem/zuk tar ding an duhlo caah Phaisa ting 300 cu Aung San milem tarnak ah hmanglo in Thantlang khuapi chung pangpar dum tuahnak ding caah hmanh dih a si lai tiah theih a si.

 

Thantlang Municipal Committee hruaitu Thantlang Sipin Auhkat’hah U Ram Khar nih cun Aung San milem/zuk tar dingin biachahnak rak tuah cang a si ko na in Thantlang khua Nu khua Pa hna nih an duhlo caah tuah t’han a si lai lo tiah a chim.cun Thantlang khua Nu khua Pa hna nih an duhlo nak he pehtlai in state cozah sin zongah kan chim cang i State cozah zongnih mipi duhnak cu zul dingin an ti caah tuahlo dingin biachahnak kan tuahmi a si tiah a chim.

Credit: Free