Thantlang Sipin pawl hna rian t’uan nak he pehtlai in Thantlang khua um mi Upa pakhat nih cun,Thantlang khua um mi mirum, mi sifak vialte hna nih Sipin pawl hna rian t’uan nak dingah phaisa a caan hman tein kan thawh peng.Sipin phaisa pen nak kongah cun mi zei hmanh an kan hrelh mi kan um loh!asinain Sipin pawl hna rian t’uan ning zoh ah cun t’ah chuak taktak khi an si.an luklak in rian an kan t’uan hnawh i Sipin bawi sin chim len zongah zei hmanh ah an kan rel lo tiah a chim.
Cun, Thantlang khua Nu khua Pa hna nih Thantlang khua chung cu a si khawh chungin thianghlim te le zoh dawh tein a um ding cu kan duh caah Sipin nih an kan hal zat tein, phaisa kan neih lo zongah hawido cawi in Sipin an rian t’uan man cu kan pek cio hna.Mipi nih kan i ruah chan mi cu Thantlang khua chungah hnawmtam le thil rimchia vialte a thian khawh dih nak hnga caah Sipin rian t’uantu hna cu hawi do cawi in phaisa an kan tuk zat in kan pek hna.
Asinain Sipin pawl hna nih cun zalam pi ah hnawmtam a um mi hna cu a luklak in an char pin ah a lam kil-kawi deuh ah hnawmtam a um mi le zoh dawh lo thil zong an zoh sawhsawh,hi konghe pehtlai in Sipin rian t’uantu hna sin zongah voi tampi chim le phuan a si.Sipin nih kan rian t’uan man an ti i,a inn kip in phaisa an kan khawlh tik ah cun inn hriang cem i a um mi Nu hmei le Ngakt’ah hmanh an kan hrelh fawn loh.
An phaisa khawlh ah an fel bantuk tein Thantlang khuachung rak kan thenh piak hna sehlaw? zei tluk lunglomh awk dah a va si hnga?phaisa an duh tluk in rian zong rak kan t’uan piak ve hna sehlaw? kan duh.Sipin pawl hna nih an moto”car”in an rak chuak tik ah zalam pi cungah a um mi Plastic dur pakhat hnih men char in, a biapi deuh mi hnawm tam hna cu zei tluk zohchia zong in hmun kil deuh ah a um mi hna cu a zoh zong an zoh duh fawn loh.phaisa an duh ve a si ah cun an rian fel tein rak kan t’uan piak cang hna sehlaw a t’han tuk hnga tiah Thantlang khua Upa pakhat nih a chim.
