Thantlang Peng Zahnaktlang Zangtlang Khua Pawngah Misual Damiah Hmuh An Si

Hi tluk dohthlennak kan buaibai lio ah mah bantuk thawngpang vun theih cu a poi taktak.Mipi ralrin awk thil ai chap chin lengmang ko hih.

Thantlang peng chungah misual/damiah minung pathum an um tiah theih a si.Thantlang peng zahnaktlang chung a si mi Zangtlang khua le Thekte khua karlak ah muzual/Damiah pa lawng te minung pathum hna cu an vakvai tiah theih a si.

Hi musial/Damiah pathum hna nih hin namkawl ( nam saupi pi) le hreitlung an i put i an sam saupi in an i zuah caah khua cheukhat hna cu pa cakvak deuh nih an mah le khua cio hriamnam he an congh hna tiah theih a si.

Khua zei lei in dah a rak chuak mi an si le zeibantuk miphun dah an si ti mi theih khawh a si rih lo caah mipi hna cu ralring tein thutto le chuah ding a si lai tiah khua cheukhat khuate hna cu ralringpek nak an i tuah dih tiah theih a si.

Author: Salai Ephraim