Thantlang Ralzam Pu Lai Nawl A Thih Ning Le Hakha Khua Ah Ralzam Camp An Tuah Ning

Thantlang Ralzaam Pu Lai Nawl Mizoram ah a Nunnak a Liam.Thantlang khua in Mizoram ah chungkhar he a zaammi Pu Lai Nawl (Uk Peng Pa) cu nihin ah COVID-19 zawtnak in Aizawl lei an kalpinak lampi ah a nunnak a liam, tiah thawng kan theih.
Zawtnak thlopbul ding in Saiha in Aizawl lei an kalpinak lampi ah an nunnak a liam i, Saiha lei ah an kirpi tthan.

Uk Peng pa te chungkhar hi Thantlang, Seihpyozi sang ah a ummi an si.September 22 zong ah khan Thantlang peng ralzaam a simi Pu Tum Sang (kum 60) cu Kal zawtnak in Serchip sizung ah a nunnak a rak liam ve.

 

Hakha CCU ah Ralzaam Camp an On Cang.Hakha, Cawbuk sang ah a ummi Chin Christian University (CCU) ah ralzaam i dornak camp (1) on a si cang i September 27 thawk in camp ah i dor khawh a si cang lai, tiah thawng an thanh. Atu zong ah CCU ralzaam camp ah minung 3 aa dormi an um cang, tiah ttuanvo ngeitu sin in thawng kan theih.

Theiherh;September 27 (Nikhat ni), zing sml 10:00 in i dor khawh a si cang.CCU ralzaam camp ah tlunkalnak le fuhpanhnak cu mah he naihniammi Khrihfabu le sang upa sin ah bawmh hal in tawlrel a si lai.Ngandamnak le himnak lei zohkhenhnak herhmi ruang ah innchungkhar in hmunhma pek a si lai.Covid-19 zawtnak test ta a duhmi nih Community Care Center & Test Center (No. 3 BEHS) ah i test ta khawh a si.Covid-19 Positive a simi ralzaam hna cu IDPs Committee nih ttha tein zohkhenh le tirawl lei ttuanvo lakpiak an si lai.Contact Persons:Rev. Dr Thawng Hlei Thang – 09740813098.Pastor Sui Mang – 09423661278

Credit:The Chin Journal

Author: Salai Ephraim