Thantlang Sibawi Le Pengkulh Uktu Hna Caah Cun A Fak Bak Tiphu Te An Si Ko Tiah Na Ruat Maw

Uico le Vok hmenh tluk lomi Thantlang sibawi le pengkulh uktu lehrulh nak tuah hna u.Lungfak tuk in Laimi an kan nehsawh hi nan diriam ko lai maw? NLD MP pawl midepde hna Miphun kan dir kamh lai tiah nan chim mi vialte kha nan philh maw?Kawl tthatnak kong chim awk nan ngei rih maw?Na miphun ui le ar bang lamkam ah ruakvui tiang kan phak ah hin na hmur na cip rih ko lai maw? Zawng rual hna khua ruat uh.

 


Thantlang MP sining law.ThanTlang MP pakhat sining law , ka rian asi lo caah ka thei lo tiah ka um kho lailo. Mipi thim mi ka si caah Ka Miphun lungfah nak zeidah asi ti tal cu ka hlat hrim hrim lai. Sibawi pa le Auhchozi Hmu pa hi phone ka chawnh hna lai i’ bia hal nak ka tuah hna lai. Ka rian silo ka ti lailo.

 

 

Kawl nihcun Kan Nunphung zei an rel lo mi hi an palh lo. An kan thei thiam piak lo zong an palh lo. Kawl an si caah an thei fomlo cu teh; an kan nau tat zong ah anmah nawl asi. Kawl cu kawl an si.Apalh bikcem cu Thantlang peng mipi nih nan thim mi hna NLD MP pawl le Khua nu khua pa nan upat ngai mi Hmuh Thang te pawl kha apalh cem mi cu an si. Zei ruang ah an holh lo?

 

An inn ah media nih va kal hnawh hna uh law bia va hal hna uh. Thantlang kan dawt an ti len mi cu phu chim bang thli lak ah an lo tlau dih ko hna hi teh. Thantlang mipi caah Holh an i timh lo ah cun an kaa phit lawlaw cang hna uh. Mipi nih vote pek ding zong ah ruah ti lo ding an si.Sa aseh kho ti lo mi Chiandeih LION nak cun , zu aseh kho mi chizawh tum CAT zuat hmanh atha deuh cang. Ka chim ah hin ka thin hang deudeuh eh.

Credit:Lai Phunttanh Fb Cahmai.

Author: Salai Ephraim