Nizan dan (Referee le Lineman) pawl nih Zahnak Tlang an namneh tuk hna i Puai dih hlan ah an chuak,nizan ah zahnak 1-3 Zophei kan ti lai cu,zu tikah YTA nih Zohphei kha nan awng ko nain Goal nan ngeilo an ti hna tikah Zophei an lut duhlo.An Luhlonak a ruang cu Vailam nih an tei hna cun Goal mi zat rel in a tla ding an si,nizan Goal 3 an ngeih cun an tla ding an silo.
Cucu an chuih duhlo nak a ruang a si.tiah min langhter duh mi mi nih an kan chimh ning cu a si.Zahnak tlang hi nizaan ah khan chuih duh ti lo in an um,cu lawng hmanh si lo in TYA Cup ah zeitik hmanh ah itel ti lo dingin biachahna zong kan tuah cawlh tiah an mah upa pakhat chung in kan theih fawn.
Biachap: Cu hlan ah a tu bantuk in Lai tlang lei ah Tawngkyaw pumpululh chuih zuam nak caan saupi rak kalpi a si,cu pumpulh chuih zuam nak ah cun a tu bantuk in a peng le tlang in rak i tel cio a si.mi t’ha tampi lak ah mi t’ha lo tampi rak um phung a si ve bantuk in peng le tlang, pum pak i huat nak tiang in a rak chuak tawn caah caan sau nawn i dinh a rak si.
Cu hnu ah a tu hi TYA Cup ti in Tawngkyaw pumpululh chuih zuamnak cu nan van tuah t’han.TYA nih a tu hi a voi 7nak bantuk nan tuah mi a sicang.a t’ha tuk,kan in lomhpi tuk hna.a mah belte nan thawngpang theih cu a nuan deuh lo.a ngaingai tiah cun YTA nih na timh mi cu peng le tlangah rualremnak um seh ti cu a si ko lai.
Kan chim voi 10 Laimi cu lentecelh zia zong kan thiam lo,mibu he rian t’uan le i hoikomh zia zong kan thiam lo ruangah hruaitu hna le t’uanvo ngeitu upa te hna hi nan biapi khun,hruaitu hman lo pakhat nih nan kan thah dih khawh,cu ve bantuk in hruaitu t’ha kan i ngeih hna a si ah cun peng le tlang ah remdaihnak ser cu nan i foih te fawn lai.hi hnu cu mah bantuk thil nan tuah tik ah a dingfel mi (Referee le Lineman) ningcang tein kan t’uan piak uh.mi zei an si hmanh ah duhdanh a ngei bak lo mi nih t’uanvo kan lak piak cang uh.hruaitu upa hna le t’uanvo ngeitu,Referee le Lineman hna kut ah remdaihnak cu a um ti hi philh hlah usih.
