Thantlang,Tedim, Kanpalet Ah Vanzuanglawng Fate Tum Khawh Nak Tualrawn Ser Piak An Si Lai

Kanpalet, Thantlang, Tedim ramkulh ah vanzuanglawng fate t’um khawh nak dingin vanzuanglawng tual rawn ser piah an si lai.a tu ah Kanpalet ramkulh chungah vanzuanglawng tualrawn tuah nak ding hmunhma cu zoh cuahmah lio ah tah cuahmah liopi a si tiah Chin ramkulh sipin bawi U Soe Thet nih a chim.a mah belte hi khuathum hna caahvanzuang lawng tualrawn tuah nak ding caah a caan tlawmpak a rau rih lai tiah a chim.

Tedim khuapi photo.

Kanpalet ramkulh ah Vanzuanglawng fate a t’um khawh nak ding hmun cu a va zohtu hna nih a um ko tiah an chim.a mah belete a tu hi Falam peng Surbung ah Vanzuanglawng tualrawn tuah cuahmah lio a si.hi Vanzuanglawng tualrawn tuah nak ah chawva phaisa tampi a sih cang i a tu hnu zongah tampi a dih t’han rih ding a si caah Thantlang, Kanpalet, Tedim pengah vanzuanglawng tualrawn tuah ding cu a rau deuh te lai tiah a chim.

Cun,Chimram kulh chung peng khat le peng khat i pehtleihnak a feh khawh chinchin nak ding caah Lailen vanzuang lawng tualrawn cu Ramleng bomhnak in tuah le ser a si.Paletaw ramkulh chung zongah 1978 lio hrawng khan van zuanglawng t’um nak tualrawn cu rak ser a si cang na in felfai tein pehzulh le sersiam hlei a um lo caah Paletwa ram kulh chung um mi vanzuanglawng tualrawn zong remh le ser siam t’han a si fawn lai tiah a chim.

Thantlang khuapi photo.

Cu pin ah Chinram chungah Mei,Ti,Lam etc..pawl hna cu a si khawh chungin rem le sersiam t’han dingin timhlamhnak ngei a si.cu thil kan i timh mi cu Chin ramkulh chung ah peng le tlang pakhat le pakhat neih niam in rian kan t’uan khawh nak hnga ding le Chinram a t’hancho khawh nak hnga ding caah i tinh bik mi cu a si.hi thil kan tuah khawh nak ding caah a herh mi phaisa budget zong tawlrel cuahmah a si tiah Chin ramkulh Sipin bawi U Soe Thet nih a chim.

Credit:CW

Author: Salai Ephraim