Thawngchia: Chin Khrihfa Pawl Hna Cu Khrihfa In Buddhist Biaknak Ah Luhter Dih An Timh Hna

Chin Human Rights Organization nih a chim ningah cun Rakhine State Ann myone (Padi) khua chungah a um mi Chin miphun Khrihfa pawl hna cu an duhlo bu bak in (Padi) khua, khuabawi nih Khrihfa an sinak in Buddhist biaknak ah nan dihlak in nan lut lai tiah a hrocer nak tiah an chim.(Padi) khua, khuabawi nih cun Chin Khrihfa pawl hna cu Buddhist biaknak ah luh dingin june 10.2019 ni ah khan an duh lo bu bak in misen a thutter dih hna tiah an chim.

Kan hnung May 24 ah khan (Padi) khua chungah a um mi Chin miphun hruaitu hna chungin minung pathum hna cu an khuabawi hna le khuaNu khuaPa pawl hna nih an kawh hna i (Padi) khua chungah a um mi Chin miphun Khrihfa biaknak a bia mi vialte hna cu nan dihlak in Buddhist biaknak ah itel dih ding le Buddhist biaknak i t’hial dih dingin misen nan thut dih lai tiah an chim hna.cun Buddhist biaknak a bia duhlo mi le minsen a thu duh lo mi hna cu (Padi) khua in t’hawl-dawi nan si lai tiah an hro hna tiah an chim.

Padi khua chungah a um mi Chin miphun Khrihfa pawl hna nih cun an khua in lengah chuak ding le t’hawl-dawi an t’ih ruangah an duh lo bu bak in minsen cu an thut dih tiah CHRO nih cun a chim.hi konghe pehtlai in CHRO rian t’uantu Salai Ti Rah cu RFA thawngzamhtu hna nih ton biaruahnak le biahalnak an neihpi tik ah Salai Ti Rah nih cun,”hi tibantuk thil a can nak hi Padi khuabawi hna le khuaNu khuaPa hna le Phungyi lukawng pawl hna nih lungrual in biachahnak an tuah hnu ah Chin miphun Khrihfa hna cu an mah Buddhist biaknak ah luhter dih an timh mi hna an si”tiah a chim.

Cun Padi khuami pakhat nih cun mah bantuk in Chin khrihfa pawl hna cungah thil t’halo a tuahtu hna nih hin an min langhter an duhlo.zeicahtiah cu hlan zongah a tu bantuk hin Chin khrihfa pawl hna cu an duhlo bu bak in Buddhist biaknak bia dingin an rak nor hna pin ah harsatnak tampi an pek hna tiah a chim.cun Chin miphun Khrihfa pawl hna Ann myone, Hmuakhaw uksuh chung khua 8 chungah khrihfa mi hna nih cun mi zei hmanh nih thil zuar khawh a si lai lo.hi bia a ngailo i thil a zuarmi hna cu Burma phaisa ting 1khat cawiter an si lai tiah Speaker in theihternak an tuah tiah an chim.

 

Note: Tlingdeuh rel na duh ah cun rak hmeh piak law.

Chirhchan: https://www.rfa.org/burmese/news/chro-statement-about-christrian-from-ann-06122019083959.html?fbclid=IwAR16jAHobmvg1-7BVFd1GInIJmYyNFUUyAC1RTQKlWEw-UPXTN7DhPHrCkQ

Author: Salai Ephraim