Thawngpang Tha Ngai A Si Tuchun Ah Kalaymyo Ralhrangbu Chungin Minung 20 Cu An Hriamnam Tling He An Zaam

Kalaymyo ralhrangbu chungin minung 20 hna cu tuchun August 31.2021 ah an uniform le hriamnam tling he an zaam tiah theih a si.hi ralhrangbu chungin a zaam mi minung 20 hna nih a tu bantuk in an zaam lai teah hin Kalay PDF hruaitu hna cu phone in an chawnh hna i nan mah PDF sin ah rak i fonh usih law a tha hnga maw tiah an chawnh hna tiah theih a si.

Hi kongah Kalay PDF hruaitu hna nih an chim nak ah cun Kalaymyo ralhrangbu chung in minung 20 hna nih cun kan mah sin ah rak i fonh dingah an kan chawnh taktak ko na in a tu August 30.2021 tiangah cun kan sin an rak phan loh tiah fianternak a tuah tiah theih a si.

Cun, hi ralhrang minung 20 nih phoen in an rak kan chawnh lio ah hin PDF nih cun kan in zum hna loh,a bik in phone chung in cun kan in zum hna lo tiah leh nak kan tuah hna na in an zaam ti cu kan theih tik ah an mah cu an hawi le ralhrangbu tampi hna nih motor he an dawi hna tiah kan theih.


Cu pin ah ralhrang nih nih an mah dawi nak ah helicopter tiangin an hman hna na in khua zei lei ah dah an zaam ti mi kan theih kho rih loh,a ruang cu kan sin an phan loh tiah fianternak PDF nih an tuah.hi ralhrang minung 20 a zaam mi hna hi cunglei nawlpeknak in ေထာက္ၾကန႔္ khua le စည္သာ khua ah duty tuah dingin nawl pek mi an si tiah a chim chap.

Credit: PDF news