Thawngpang Tha Taktak A Si: Chinram Chungah Cacawng Mi Tang Cheu In Tang 8 Tiang Cu World Bank Nih A Bawmh Hna Lai

Chinram caah thawngpang t’ha taktak a si.World Bank Head nih an chim mi cu Chinram chungah Ca cawng lio mi hngakchia tangcheu in tangriat tiang a karlak Ca cawngmi hna cu World Bank nih thlakhat ah minung pakhat caah kawlram phaisa 5000 Kyt lengmang in bawmhnak pek an si lai tiah Dr.Sasa sin ah an chim tiah theih a si.

 

Cun, World Bank Head nih a chim ningah cun Chinram chungah Ca cawng lio mi hna tangcheu in tangriat karlak minung hna cu an dihlak in bawmh an si lai lo tiah a chim.Chinram chungah a si a chia deuhmi “misifak” hna le Ca cawn a duh ko na in Ca a cawng kho lo mi(Sifak rethei mi Fa le hna) caah hi bawmhnak cu a si lai tiah an chim.

World Bank nih hi tibantuk in Chinram chungah Ca cawng lio mi hna bawmhnak pek an timh mi a ruang cu Dr.Sasa nih Chin State ah harsatnak kan ton mi hna le fimthim cawn nak lei ah kan harsat nak kong hna cu World Bank hruaitu hna sin ah a chim tik ah World Bank hruaitu hna nih biachahnak an tuah cawlh i Chinram Ca cawng lio mi hngakchia tang cheu in tangriat karlak(sifak fa le hna) cu bawmh dingin an chim tiah Dr.Sasa nih a chim.

 

Cun, World Bank Head rian a t’uan cuahmah lio mi pa hi Arminia ram mi a si i,Dr.Sasa nih Medical konghe pehtlai in Ca a rak cawn nak ram le a si pin ah World Bank Head pa he hin kum 7 chung bak Ca a rak cawng t’i mi le a rak i kom tak tak mi kan si tiah a mah Dr.Sasa nih a chim.a mah belte hi Chinram bawmhnak kongah zei tik in dah bawmhnak pek an si lai tiah Dr.Sasa nih a langhter chih lo.Credit: Dr.Sasa (Marafacebook)

 

Carel A Zuam Mi Caah Ti’n Evangelist David Lah Nih Dr.Sasa Kong A Chim Mi Ka Thil Chih:Atu lio ah Pathian nih a hman cuahmah lio mi Evangelist David Lah nih cun kawlram chungah Pathian thluachuah a dong cem mi le a hmu cem mi cu Dr.Sasa hi a si tiah a chim.cun, David Lah nih cun Dr.Sasa konghe pehtlai in tachun nak a lak i Dr.Sassa cu Laitlang khuate fa a si ko na in Pathian a duh nak ruang le Thlacam nun a ngeih caah miphun pi nih bochan mi le hngatchan mi ah a chuah.mah hi hi Kawlram caah Pathian nih Dr.Sasa cu a kan pek mi le thlua a chuah mi a si tiah a chim.

 

Evangelist David Lah nih cun Thlacam nun ngeih hi Pathian thilti khawh nak a langhnak hrampi a si.a zungzal in thla a cam kho mi hna le thlacam nun a ngei taktak mi hna cu a mah Pathian thawngin pahrang an ngeih mi hna cu ram le miphun hna caah bochan tlak ah an i ser/chuah kho.mi pakhat nih pahrang kan ngeih mi vialte hna hi a hman zia kan thiam a hau/herh.

 

Zeicatiah cu bantuk pahrang kan ngeih mi hna cu Pathian nih a kan pek mi an si caah, mah pumpak thangt’hatnak caah le ningcang lo thil lei in kan hman awk a si hrimhrim loh.Pathian nih a kan duh piak mi le hmang hna seh tiah a kan duh piak mi ram le miphun caah hman ding an si.Pathian nih a kan pek mi pahrang hna cu a hman zia kan thiam khawh nak hnga caah a mah Pathian sin ah khupbiil in kan hal awk a si.

 

Cun, Dr.Sasa zong hi khuate fa a si ko na in Pathian nih a pek mi pahrang hna cu zei tin dah ka hman lai?tiah Sertu Pathian sin ah khup bill in a hal tik ah pahrang a ngeih mi hna cu Pathian nih a let in a chap.cucu a thlacamnak thawng in a si.cu pin ah Dr.Sasa nih a mah le sikhawh tawk in ram le miphun hna caah rian a t’uan cuahmah mi a si.Dr.Sasa bantuk in thlacam nun a ngei mi le ram le miphun caah zumh awk tlak le bochan mi si hi kan i zuam cio awk a si tiah a chim.

 

Credit:Pyunia khizaw

Author: Salai Ephraim