Thawngpang Tha Taktak Tuzan Ah Ralhrangbu An Mah Le An Mah An I Kap Than

Pathein ah ralhrang anmah le anmah an i kap.Ayeyerwaddy ramthen,Pathein ah July 23 zan ah ralhrang rallokap bia an i al i anmah le anmah an i kap tiah theih a si.Zan suimilam 10 hrawngah umhmun an khuarnak ah pakhat le pakhat bia i al nak a chuak i meithal in i kahthah nak a chuak,khuami tu nih cun meithal thawng voihnih lawng an theih.

Pathein Ah CDM A Lut Mi Bokyi Pakhat Hriamnam He An Tlaih.Ayeyarwaddy ramthen,Pathein ah July 23 zaanlei ah CDM a tuahmi Bokyi pakhat hriamnam he an tlaih tiah theih a si.Pathein Ma-Ha-Ban-Du-Lah lam pawng khualriahnak pakhat ah CDM a tuahmi Bokyi pakhat cu ralhrang rallokap nih an luhhnawh i hriamnam he an tlaih tiah theih a si.

Belin peng thlihrang nih inn 100 hrawng a hrawh.Belin peng,Zet-Tuat khuatekomh ah thlichia nih inn 100 hrawng a hrawh tiah theih a si.Belin peng Zet-Tuat khua le Aa-Naing-Pon khua ah July 23 zaanlei suimilam 2:30 hrawngah thli le ruah a fak tiah theih a si.Hi thli le ruah ruangah mipi 200 hrawng bawmhchanh an herh.Atu hi a himnak hmun a si mi Zet-Tuat sianginn ah umhmun an khuar ter hna.


Mandalay Ah Mizaw Zohtu An Tlawm Caah Nikhat Ah Minung 50 Leng An Thi Mandalay Ah Covid Mizaw Zohkhenhtu An Tlawm Caah Nikhat Ah Minung 50 Nak Tlawmlo Covid In An Thi Mandalay ah July 1 in 22 tiang Covid in thi mi hi minung 1000 leng an si tiah a thi mi cazin ning ah theih khawh a si.Cazin ning in zoh ahcun Mandalay ahhin Covid zawtnak ruangah nunnak liam mi hi nikhat ah zatuak in 50 an si tiah theih a si.

Credit: The Chin Post