Thawngpang Tha Tuk Uico Ralhrang Pawl Cu Thlanrawn In An Chuak Kho Ti Loh Tiah Theih A Si

Kan theih bantuk in CNO/CNDF nih ralhrang pawl a kahdoh hna lo ruangah a tu cu Falam khuapi chung le Falam pengtlang chungah inn lo an rawh cuahmah.CNA+CDF hna nih an fuh hna i nizan in a tu tiang kahdoh nak a chuak cuahmah.micheu nih CNO/CNDF nih zei ruangah an kahdoh hna lo tiah sualphawt le mawhchiat an tong ngaingai. a chung lei taktak cun Mipi nak in hriamtlai tu hna nih thil sining le ral um tu ning cu an rak theih deuh.

CNO/CNDF nih Falam, Hakha, Thantlang a rak fuh mi hna kap lo tein a langh mi hna kong zongah statement zong nizan ah an chuah bal cang.asinain tuchun zanlei suimilam 2:30 tluk ah Falam in Hakha lei a fuh tu hna ralhrang pawl cu CNA,CDF, CNO/CNDF hna nih hmunkhat ah i fonh in biatak tein an rak kahdoh hna tiah theih a si.

Ralhrangbu hna nih Falem peng Tal, Thlanrawn le a kiangkap cherhchan in t’an an la cuahmah,an i tinh ning in ralhrangbu hna cu kar an hlang kho ti hna lo.Thlanrawn le a kiangkap pin cu khua zei hmanh ah an kal kho ti loh tiah theih a si.micheu ralhrang pawl hna cu tuan deuh ah Hakha a rak fuh mi pawl cu Hakha khua pawng Hniarlawn Thar ah CNA+CDF nih an phomh hna i ralhrang minung 10 an thah cang hna tiah theih a si fawn.

Hi kongah Khit-Thit-Media pical zong nih a chim nak ah cun a tu hi Thlanrawn kiangkap ah ralhrangbu pawl cu CNA,CDF,CNO/CNDF hna nih cawl kho lo in an kah cuahmah hna caah kar an hlang kho loh.cun,CNA+CDF hna nih Hniarlawn khua ah ralhrnag minung 10 an thah hna pin ah hliamhma a tuar mi tampi an um lai zumh a si.ralhrang pawl kar an hlan khawh ti lo ruangah a tu hi Rialti khua,Thlanrawn le a kiangkap ah an i nawk cuahmah ko tiah a chim ve.

Author: Salai Ephraim