A luancia kum 2015 December thla lio khan South Korea cozah nih cun kawl ram ralzam zei maw zat lak dingin biachahnak an rak tuah cang.cun kawl ram ralzam lak a timh mi hna hi kawl ram chungah an nun nak a him taktak lo ti nak caah tehte hna le an him lo nak konglam fiang tein kan theih mi hna lawng South Korea nih (refugee resettlement program initiated) in lak le cohlan an si lai tiah biachahnak an rak tuah cang.
Cun South Korea cozah nih a tu bantuk in kawl ram mi ralzam(refugee resettlement program initiated) in a lak mi hna hi kum 2015 lio biachahnak an tuah hnu in june 1 ah khan a voi khat nak caah ralzam a lak nak mi a si tiah IOM Seoul nih a chim.kawl ram ralzam pawl hna an lak mi hna hi chungkhar le Nupi pasal i pehtleih nak sponsor in an lak mi hna an si lo in (International Organization for Migration) phungning te in resettlement IOM Seoul nih a lak mi hna an si tiah an chim.
South Korea cozah nih hin kum 2015 lio in kawl ram ralzam lak dingin biachahnak an rak tuah lio ah ralzam pawl hna um nak ding caah hmunhma zong t’ha tein a rak tuah cang.ralzam pawl hna um nak ding caah South Korea ram chung khuapi a si mi hna Incheon khua le Jeollanam khua ah t’ha tein an um nak ding a rak tawlrel cang hna i cu ka hmun ah cun kawl ram ralzam minung 34 a lak mi hna cu umter dingin South Korean immigration centers nih a chim.
Cun hi konghe pehtlai in The Justice Ministry of South Korea nih a chim ningah cun a tu i kawl ram ralzam an lak mi hna hi kawl ram chungah um ngamlo in Thailand ram chungah kum zei maw zat a rak i dor mi hna an si.kawl ram chungah an um ngamlo nak konghe pehtlai in dothlatnak felfai tein kan tuah hnu ah lak mi an si tiah UNHCR South Korea representative Dirk Hebecker nih a chim.a mah belte hi ralzam an lak mi hna hi kawl ram chung ralzam mi zei dah an si ti mi a langhter chih lo.
Source: mizzima
