A ra lai mi kum 2020 kawlram ithimnak ah a chuak dingmi hna Palai pawl hna cu Party in si lo in 1990 kum ithimnak bantuk in Party nih rikhiah piak mi he an i khat maw khat lo timi tahnak he mipi thimnak tuah an si lai tiah Mandalay ramthen CM le NLD CEC chungtel Dr. Zaw Myint Maung nih a chim.hi konghe pehtlai in thimnak ah a chuak dingmi hna Palai pawl hna cu 1990 kum lio phunghram bantuk in ithimnak ah an chuak lai.asinain cucu a hlan kan i zei hmanh kan chim rih lem lai lo tiah a chim.
NLD nih mah a chim mi chungah a fiang mi thil pakhat cu Kum 2020 ithimnak ah hin mipi nih nawl an neih ngaingai khawh te lai ti nak a si.1990 kum lio ah Party nih thil pakhat an rak tuah i cu ve bantuk in mipi nih thil pakhat an rak tuah ve.mipi le Party nih cu bantuk thil an rak tuah mi cu NLD nih a tu chim dingah cun a tuan tuk rih tiah ka ruah.amahbelte tutan ithimnak zong 1990 kum lio ithimnak he a khat t’hiam rih lai.zeicatiah phunghram chungah mah cu kan tuah dingmi hna cu a tel mi an si tiah Dr. Zaw Myint Maung nih a chim.
Dr. Zaw Myint Maung nih mah bantuk bi a chim mi hi September 30 ni tiangah khan Mandalay ramthen ah NLD hruaitu pawl hna cu a voi 15nak ton biaruahnak an ngei i,cu ton biaruahnak cu ni 5 chung bak an rau.cu hnu lawngah Dr. Zaw Myint Maung nih cun hi bia hi a chim.asinain Dr. Zaw Myint Maung biachim mi zoh tik ah fiang taktak in a chim mi a um hrawlo na in lakpuk lakpak bantuk in bia a chim ti khawh a si.
Cun,kum 2020 ithimnak ah Palai vialte hna le an mah vote ram ah an kal lo.CM pawl hna zong an mah vote ram ah an mah pumpak in va kal dingmi an si hna na in an kal fawn lo.mah bantuk thil hi zei ruangah dah a si tiah NLD nih zohfelnak zong kan tuah t’han lai.kum 2018 lio ah khan cun NLD party nih Myitkyina, Yangon, Tamu, Matupi hna ah cun kan rak sung.a ruang cu NLD palai pawl hna nih an kal nak dingah an rak kal lo mipi he lungduh biaruahnak zei hmanh an rak tuah lo.curuang ah a si a tu cu phungdang tein NLD nih kalpi kan itimh mi a um tiah a chim.
Credit: chindwinpost
